اہم خبریں

حفیظ الرحمن اور وزراء کی ساری سیاست منفی پروپیگنڈے پر چل رہی ہے سعدیہ دانش

گلگت( پ۔ر) پاکستان پیپلزپارٹی گلگت بلتستان کی صوبائی سیکریٹری اطلاعات سعدیہ دانش نے اپنے بیان میں کہا ہے کہ حفیظ الرحمن اور اس کے وزراء کی ساری سیاست جھوٹ، الزام تراشی اور منفی پروپیگنڈے پر چل رہی ہے بغیر کسی تحقیق کے سندھ حکومت پر ڈھائی کروڑ روپے مانگنے کا جو الزام لگا کر سارا دن ایپیکس کمیٹی سے لیکر میڈیا تک جو ڈھنڈھورا پیٹتے رہے اس پر اگر ان میں اخلاقی جرآت ہے تو پیپلزپارٹی اور عوام سے معافی مانگیں۔ ایک صوبے کا وزیر اعلی ہوتے ہوے سنی سنائ بات پر اس قدر غیر ذمے داری کا مظاہرہ کرکے ایک بڑے فورم اور عوام کو گمراہ کرنے کی کوشش کر کے اس بات کا ثبوت دیا ہے کہ بغض پیپلزپارٹی میں انسان کو اتنا بھی اندھا اور کانوں کا کچا نہیں ہونا چاہیئے کہ اس قدر شرمندگی کا سامنا کرنا پڑے اور اپنی ہی کی ہوئ بات پر یو ٹرن لینا پڑے۔

وزیراعلی اور اس کی حکومت کو چئرمین پیپلز پارٹی بلاول بھٹو زرداری کا شکر گزار ہونا چاہئے کہ وہ وفاقی حکومت سے گلگت بلتستان حکومت کو ہیلتھ ایمرجنسی میں بروقت اقدامات اور ریلیف پیکیجز پہنچانے کے لئے مطالبہ کر رہے اور ان کی آواز بن رہے ہیں اور وفاق کو تمام صوبوں سمیت گلگت بلتستان میں ہیلتھ کیئر سسٹم کو اپ گریڈ کرنے اور بہترین صحت کی سہولیات فراہم کرنے کا مطالبہ کرتے ہوئے ایک قومی لیڈر کا کردار ادا کر رہے ہیں ۔