اہم خبریں

نجی ٹرانسپورٹ کمپنی سماء ٹریول کا کوسٹر حادثے سے بال بال بچ گئے۔

سکردو(پ،ر) راولپنڈی سے سکردو کیلئے سفر کرنے والی ایک اور نجی ٹرانسپورٹ کمپنی سما ٹریول کا کوسٹر حادثے سے بال بال بچگئے۔ کوسٹر میں موجود مسافرین کے مطابق پنڈی سے سکردو سے سفر کرنے والے کوسٹر کے اندرکوہستان پٹن کے قریب پونچتے ہی ایک دم دھواں اُٹھنا شروع ہوگیا تو مسافروں نے پریشان ہوکر احتجاج کیا تو ڈرائیور کہتے رہے کہ پنکھے کی دھواں ہے کوئی پریشانی والی بات نہیں۔مسافرین کے مطابق احتجاج کے باوجود ڈرائیور نے چیک کرنا مناسب نہیں سمجھا اور پٹن کوہستان کے مقام پہنچتے ہی کوسٹر کا بریک فیل ہوگیا ۔مسافرین کے پوچھنے پر ڈرائیور نے بتایا کہ گاڑی کا بریک کام نہیں کر رہا ہے اور کوسٹر کا ایکسل بھی اُتر رہا تھا ۔ مسافرین کا کہنا تھا کہ یہ واقعہ اگر کسی موڑ پر یا پہاڑ کے اوپر پیش آتے تو بلتستان کے عوام کو ان ٹرانسپورٹ کمپینوں کی نااہلی اور محکمہ ایکسائز کی کوتاہی سے مزید 26 لاشوں کا تخفہ ملنا تھا لیکن خوش قسمتی سے یہ واقعہ کوہستان کے میدانی علاقے میں پیش آیا۔ مسافرین نے حکومت سے مطالبہ کیا ہے گلگت بلتستان کے تمام پرائیوٹ ٹرانسپورٹ کمپنیوں کے گاڑیوں کی از سر جانچ پڑتا ل کریں تاکہ مزید قیمتی جانوں کا نقصان نہ ہو۔