محکمہ زراعت ضلع کھرمنگ نے عوام میں مفت پھلدارپودوں کی تقسیم کا اعلان کردیا۔

کھرمنگ(ٹی این این) ڈپٹی ڈائریکٹر محکمہ زراعت ضلع کھرمنگ کے دفتر سے جاری نوٹفیکشن کے مطابق محکمہ زراعت وزیر اعظم پاکستان عمران خان کےمشن کی تکمیل کرتے ہوئے ضلع کھرمنگ کے کسانوں میں مفت خوبانی ،سیپ،چیری،ناشپاتی،آڑو،بادام کے پودوں کی تقسیم کرنے کافیصلہ کیا ہے جس کیلئے کسانوں کو شناختی کارڈ کی کاپی کے ساتھ محکمہ ذراعت ضلع کھرمنگ کے دفتر سے رجوع کرنے کو کہا گیا ہے۔ عوامی حلقوں نے اس فیصلے کو خوش آئند قرار دیتے ہوئے پہلے سے کسانوں کی جانب سے اپنے آپ لگائے گئے پودوں کی حفاظت کیلئے مختلف ندیوں کے کنارے آباد زمینوں کی بچاو کیلئے سرکاری سطح پر واٹر شیڈ کی فراہمی کا مطالبہ کیا ہے کیونکہ گرمیوں کے موسم میں ہرسال سیلابی ریلے آنے کی وجہ سے کسانوں کی سال بھر کا محنت چند منٹ میں دریا برد ہوجاتی ہے۔ موضع منٹھوکھا سے تعلق رکھنے والوں نے ڈپٹی کمشنر کھرمنگ سے خصوصی طور پر مطالبہ کیا ہے کہ منٹھوکھا کا شمار ضلع کھرمنگ کے خطرناک ندیوں میں ہوتا ہے جہاں ہر سال گرمیوں کے موسم میں طوفانی سیلاب کی وجہ سے کسانوںکے سر بھر کی محنت پانی کی نذر ہوجاتی ہے اس سلسلے کو روکنے کیلئےمحکمہ زراعت کو اہم کردار ادا کرنا چاہئے کیونکہ اس ندی کے دونوں اطراف میں زراعت اور سیاحت کے بے پناہ موقع موجود ہیں جس ہر توجہ دیکر مزید خوبصورت بنایا جاسکتا ہے۔