اہم خبریں

امریکی وزیر دفاع کے بیان کو مذاق نہ سمجھا جائے وفاق فوری طور پر گلگت بلتستان کو آئینی صوبہ بنائیں بصورت دیگر ہم کسی قسم کی ٹیکس نہیں دیں گے۔ کپٹن محمد شفیع

گلگت ( تحریر نیوز ) قانون ساز اسمبلی میں خطاب کرتے ہوئے رکن قانون ساز اسمبلی کیپٹن ریٹائرڈ محمد شفیع نے کہا ہے کہ امریکہ کا گلگت بلتستان کے حوالے سے بیان انتہائی سنگین ہے اس بیان کو معمولی نہ سمجھائے۔ حکومت پاکستان کو چاہئے کہ پہلی فرصت میں گلگت بلتستان کو پاکستان کا پانچواں آئینی صوبہ بنانے کیلئے مینکزم تیار کریں۔ اسپیکر قانون ساز اسمبلی سے مخاطب کرتے ہوئے اُنہوں نے مزید کہا کہ گلگت بلتستان ایک متنازعہ خطہ ہے اور متنازعہ خطے میں ٹیکس کس قانون کے تحت لگایا جارہا ہے۔ ٹیکس لگانے سے پہلے گلگت بلتستان کی حیثیت کو واضح کریں ورنہ ہم عوام کے ساتھ سڑکوں پر جانے کیلئے مجبور ہونگے۔