سکردو(ٹی این این )وزیر پلاننگ اقبال حسن کے ڈرائیور کو بغیر کسی رولز اور پروسیجر کے ٹھیکوں کی الاٹمنٹ اور ایل جی اینڈ آر ڈی کے ذمہ داروں کی جانب سے گراؤنڈ سٹون بھی رکھنے سے پہلے ساٹھ فیصد کام مکمل ہونے کی سرٹیفکیٹ ایشو کرنا انکے گلے پڑگیا۔ تفصیلات کے مطابق ضلع کھرمنگ کے عوام عجب کرپشن کی غضب کہانی کو سرد خانے کی نذر کرنے میں رکاوٹ بن گئے۔ یادگار شہداء کھرمنگ کی تعمیر کیلئے پیپرا رولز کے تحت ٹینڈر کرانے سے ڈپٹی کمشنر کھرمنگ بھی عاجز آگئے۔ذرائع کے مطابق وزیر اقبال حسن کی طرف سے ٹھیکہ انکے ڈرائیور کو دینے کیلئے بدترین دباؤ کا سامنا کرنے کا بھی اعتراف کیاہے جسپر ڈپٹی کمشنر کھرمنگ دباؤ برداشت نہ کرسکے اور قانون اور انصاف کے تقاضوں کو پامال کرتے ہوئے ٹھیکہ وزیرکےمنظور نظر شخص کو دیدیا۔ اب کیس کمشنر بلتستان کے پاس کیس پہنچ گیا ہے جلد تحقیقات کی صورت میں بڑی بڑی مچھلیوں کے پکڑے جانے کا بھی امکان ہے۔ ادھر ایل جی اینڈ آر ڈی کے حکام اور وزیر اقبال کرپشن کا پردہ فاش کرنے پر معروف سیاسی ورکر، صحافی اور سوشل ایکٹیوسٹ قاسم قاسمی کے خلاف مبینہ طورپر آیف آئی آر درج کرا دی تھی تاکہ میڈیا پر انکے خلاف اٹھنے والی کرپشن کی خبروں کو خاموش کیا جاسکے اور اصل خبر سے توجہ ہٹائی جاسکے تاہم معلوم ہوا کہ قاسم قاسمی نے گرفتاری سے بچنے کیلئے ضمانت قبل از گرفتاری کرلی ہی.
وزیر پلاننگ اقبال حسن نے اقرباء پروری کی انتہاء کردی، سرکاری ٹھیکے اپنوں میں بندر بانٹ۔
More Stories
1971 کی جنگ نے خطہ لداخ کی محبت سے کی ہوئی شادی شدہ جوڑے کو کس طرح جدا کردیا درد ناک کہانی
خطہ بلتستان لداخ بارڈر پر پاک بھارت کے فوجی ایک دوسرے سے سگریٹ ڈرائی فروٹ کا تبادلہ کرتے ہیں مگر بچھڑے ہوئے خاُندانوں کو ملنے کیلئے لداخ سکردو روڈ آخر کیوں نہیں کھول رہا؟
عوامی ایکشن کمیٹی دو گروپوں میں تقسیم کے بعد ایک گروپ نے غذر روڑ بند کرنے کا اعلان کردیا اور غذر کے عوام کا بڑا بیان سامنے اگیا