اہم خبریں

روندو تلوبروق (ونی کیس)، آواز بلند کرنے پر سول سوسائٹی بلتستان کے رہنماوں کو دھمکیاں۔

سکردو(ٹی این این) بلتستان کی تاریخ کا شرمناک واقعہ ضلع سکردو کے سب ڈویژن روندو تلو بروق میں ونی جسے شرمناک واقعے کے خلاف سوشل میڈیا پر آواز اُٹھانا جرم بن گیا۔ تفصیلات کے مطابق ونی کیس میں آواز اُٹھانے اور انتظامیہ کو جگانے کی کوشش کرنے والے سول سوسائٹی بلتستان کے کارکنوں کو مختلف ذرائع سے دھمکیا ں دی جارہی ہے۔ سول سوسائٹی کارکنوں کے مطابق اُنہیں باربار کال کرکے دھمکی دی جارہی ہے کہ آپ لوگوں نے ہماری عزت کو اچھالا ہے ہم نے اس معاملے کو تلو بروق روندو میں ہی حل کرنا تھا ہم اپ کو نہیں چھوڑیں گے وغیرہ وغیرہ۔سول سوسائٹی کے رہنماوں نے بلتستان انتظامیہ اور انسانی حقوق کی تنظیموں سےنوٹس لینے کا مطالبہ کیا ہے۔
یاد رہے ونی مرکزی ملزم گرفتار شخص سابق چرمین محمد علی کے نام سے جانا جاتا ہے اور کعلدم تحریک اسلامی کے سرگرم رہنما بھی رہے ہیں اور حال ہی میں پاکستان تحریک انصاف میں شمولیت کی ہے اُسکا اصلی نام شعبان علی ہے اور رکن گلگت بلتستان قانون ساز اسمبلی کپٹن سکندر کا قریبی ساتھی ہے۔