اہم خبریں

آذادکشمیر طرز پر ریاستی سیٹ اپ گلگت بلتستان کے عوام کا قانونی حق ہے۔ رہنما قومی الائنس

سکردو( ٹی این این)قوام متحدہ کی قراردادوں کے تحت متنازعہ خطے کے تمام حقوق دئے جائیںتنازعہ کشمیر کا فیصلہ جموں کشمیر اور گلگت بلتستان کے عوام خود کریں گے۔میڈیا کو جاری اپنے ایک بیان میں ممبر کور کمیٹی قومی الائنس و صدر قومی لائرز فورم گلگت بلتستان امتیاز علی ایڈووکیٹ نے کہا کہ اقوام متحدہ کی قراردادوں کے تحت متنازعہ خطے کے حقوق کا حصول گلگت بلتستان کا حق ہے. گلگت بلتستان کو 70 سالوں سے ایل ایف اوز اور آرڈرز کے ذریعے چلایا جانا انتہائی ظلم ہے. مسلہ کشمیر کے فریق کی حیثیت سے گلگت بلتستان کے لئے بھی کشمیر طرز پر ریاستی نظام دینا پاکستان کے لئے ممکن ہے اور فی الفور دیا جانا چاھیے. قوم کے جوان باشعور ہو چکے ہیں اور انہیں اپنے جائز حقوق کا علم ہے. تنازعہ کشمیر پر ہم نے کس طرف جانا ہے اس کا فیصلہ گلگت بلتستان جموں اور کشمیر کی عوام خود کریں گے. قومی الائنس جلد اپنے سرحد کے دونوں پار کشمیری بھائیوں کے ساتھ عباس سفیر ایڈووکیٹ بانی چیئرمین قومی الائنس گلگت کی قیادت میں بڑا اتحاد بنائیں گے اور مشترکہ لائحہ عمل طے کریں گے