اہم خبریں

ضلع کھرمنگ میں چار قُلی 80 میٹ کا عملی کام، ضلعی انتظامیہ اور بی اینڈ آر کا محکمہ لاعلم ۔

کھرمنگ(ٹی این این ) ضلع کھرمنگ بی اینڈ آرمیں موضع کمنگو سے لیکر مہدی آباد تک قریب پچاس قریب روڈ قلی بھرتی ہونے کا انکشاف ہوا ہے جن میں سےصرف چند روڈقُلی جزوی طور پر کام پر آتے ہیں۔ تفصیلات کے مطابق ڈیوٹی سے مسلسل غائب ان تمام روڈ قلیوں کی چونکہ سیاسی اثر رسوخ کی بنیادپر بھرتی ہوئی ہے یہی وجہ ہےیہ لوگ تنخواہ سرکار سے وصول کرتے ہیں مگر سیاسی نمائندوں کی آشیرباد سے ڈیوٹی سے غائب رہنا اور اپنے کاروبار ، ٹھیکیدار ی وغیرہ میں مصروف رہنا معمول کی بات ہے لیکن کوئی پوچھنے والا نہیں ۔عوامی حلقوں کے مطابق وہ روڈ قُلی جنہیں کسی قسم کے سیاسی سپورٹ حاصل نہیں اُن سے پورا کام لیا جاتا ہے بلکہ صرف چند قُلیوں سے بورڈ اکھاڑنے، دیوار بنانے، صفائی اور پودوں کو پانی دینے،سڑک بنانے والے ٹھیکدار وں کی جانب سے ادھور چھوڑنے والے کام تک لئے جاتے ہیں ۔ عوامی حلقوں کا محکمہ بی اینڈ آر کے ذمہ داران سے مطالبہ کیا ہے کہ ان مسکین اور سیاسی طور اثر رسوخ نہ رکھنے والے قلیوں پر رحم کریں اور وہ تمام لوگ جو سیاسی اثررسوخ کی بنیاد پر علاقے میں سیاست اور کاروبار کرتے نظر آتا ہے اُن کے خلاف ایکشن لیں اور دیگر قلیوں کی طرح ڈیوٹی پر حاضری کو یقینی بنائیں۔