اہم خبریں

مریم نواز اور بلاول بھٹو زرداری کے درمیان قربتیں مزید بڑھ گئی،بلاول نے اہم اعلان کردیا۔

اسلام آباد (ٹی این این)میڈیا رپورٹ کے مطابق لیگی رہنما مریم نواز نے بلاول بھٹو زرداری کوو فون پر جاتی امراء آنے کی دعوت دی جس پر بلاول نے اتوار کی دوپہر مریم نواز سے ملاقات کا وقت فائنل کر لیا۔ کل دوپہر ڈیڑھ بجے رائیونڈ میں دونوں رہنماوں کی ملاقات ہو گی جس میں حکومت مخالف اتحاد اور نیب کیسز کے حوالے سے گفتگو کی جائے گی۔ ذرائع کے مطابق ملاقات میں دونوں جماعتوں کے سینئر رہنما بھی شرکت کریں گے جبکہ وفاقی بجٹ کے حوالے سے بھی امور زیر بحث آئیں گے۔
یاد رہے اس سے قبل مریم نواز نے سیاسی اتحاد کا مظاہرہ کرتے ہوئے چیئرمین پاکستان پیپلز پارٹی بلاول بھٹو سے ایک افطار ڈنر میں ملاقات کی۔ بلاول کی جانب سے منعقدہ افطار ڈنر میں انہوں نے مریم نواز کو بھی مدعو کیا تھا۔