اہم خبریں

تنخواہ دار طبقے کا بھی گھیرا تنگ،پاکستان نے آئی ایم ایف کے سامنے گھٹنے ٹیک دئیے۔

اسلام آباد(مانیٹرنگ ڈیسک/ٹی این این )آئی ایم ایف کی 500 ارب وصولیاں بڑھانے کی شرط پر پاکستان رضا مند ہوگیا، 500 ارب روپے اضافی وصولیاں سے مہنگائی کی نئی لہر آئے گی۔نجی ٹی وی کی رپورٹ کے مطابق آئی ایم ایف سے مذاکرات میں ٹیکس وصولیاں 500ارب روپے تک بڑھانے کا وعدہ تو کرلیا گیا مگر ٹیکس وصولیاں بڑھانے کی خاطر حکومت کیا کچھ کرنا پڑے گا۔ جی ایس ٹی کی شرح 1 فیصد اضافے سے 18 فیصد تک کی جاسکتی ہے، ممکنہ طور پر مختلف اشیا پر فیڈرل ایکسائز ڈیوٹیز میں اضافہ ہوسکتا ہے، پر تعیش اشیا پر درآمدی ڈیوٹی مزید بڑھائی جاسکتی ہے، ریگیولیٹری اور کسٹم ڈیوٹی اضافہ بھی کیا جاسکتا ہے۔ نان فائلرز ہو جائیں تیار کیونکہ ان پر ٹیکسوں کا بوجھ مزید بڑھ سکتا ہے، تنخواہ دار طبقے کے ٹیکس سیلب میں تبدیلی پر غور کیا جاسکتا ہے، پیٹرولیم لیوی میں اضافے کا بھی آپشن موجود ہے۔ سبسڈی میں کمی کیے جانے پر غور کیا جاسکتا ہے جس سے بجلی اور گیس مزید مہنگی ہو جائے گی۔