اہم خبریں

آصف ناجی ایڈوکیٹ کے اوپر سے دہشتگردی ایکٹ کا مقدمہ حذف،کیس سیشن کورٹ منتقل۔

گلگت(ٹی این این ) گزشتہ روز سکردو میں پانی کیلئے احتجاج کرنے والی خواتین کی وکالت اور ترجمانی کرنے پر کمشنر بلتستان میں آصف ناجی ایڈوکیٹ سمیت دیگر دو وکلا پر مقدمہ درج کرلیا تھا جبکہ آصف ناجی پر خصوصی طور پر دہشتگردی ایکٹ لگا کر گلگت منتقل کیا جنہیں آج کورٹ میں پیش کرنے سے پہلے گلگت کے وکلاء برادری سے شدید احتجاج کیا اور کمشنر بلتستان کے خلاف شدید نعرے لگائے، وکلاء کا کہنا تھا کہ پانی مانگنے کے جرم میں دہشتگردی ایکٹ لگانا گلگت بلتستان میں بیورکریسی کی کھلی دہشتگردی ہے جو اپنے فرائض کی انجام دہی میں ناکامی پرعوام کو ڈرا دھمکا کر خاموش کرانا چاہتا ہے جو کہ انسانی حقوق کی سنگین خلاف ورزی اور متنازعہ خطے میں بیورکریسی کے کردار پر سوالیہ نشان ہے۔
آصف ناجی ایڈوکیٹ کو عدالت میں پیش کرنے سے گلگت کے وکلاء نے آئی جی گلگت بلتستان کو الٹی میٹم دیکر آصف ناجی کے اوپر سے دہشتگردی ایکٹ ختم کرنے کا مطالبہ کیا جنہیں بعد میں اے ٹی اے کورٹ میں پیش کیا جہاں اے ٹی اے کورٹ نے آصف ناجی کے خلاف اے ٹی اے حذف کرکے کیس کو سیشن کورٹ سکردو منتقل کرنے کا حکم دیا۔ آصف ناجی نے کورٹ میں اپنے وکلاء کو بتایا کہ پولیس نے اُن پر بدترین تشدد کیا اور اُنہیں ڈرا دھمکایا۔