اہم خبریں

پی ٹی سی میں بہتر تربیت کے مواقع کی فراہمی کے لئے ادارے کی اپ گریڈیشن کی ضرورت ہے۔ آئی جی پولیس

گلگت (پ ر) انسپکٹر جنرل پولیس گلگت بلتستان ثنا اللہ عباسی کی صدارت میں سنٹر ل پولیس آفس میں پولیس ٹریننگ کالج کی revamping کے حوالے سے اجلاس ہوا۔ جس میں کمانڈنٹ پی ٹی سی طاہرہ یعصوب نے بریفنگ دیتے ہوئے کہا پی ٹی سی میں بہتر تربیت کے مواقع کی فراہمی کے لئے ادارے کی اپ گریڈیشن کی ضرورت ہے۔اس ادارے کے انفراسٹریکچر ، ہیومن ریسورسسز اور ٹریننگ کی ضروریات پر مبنی ایک پروپوزل پولیس ہیڈ کوارٹرز بھیجا گیا ہے۔جس میں 151سٹاف کی بھرتی، لیبارٹری، ٹرانسپورٹ، بیرکس، بجلی و پانی سمیت بہتر ٹریننگ کی فراہمی کا ذکر کیا گیاہے۔ پولیس سربراہ نے بریفنگ کے اختتام پر ہدایات دیتے ہوئے کہا کہ KIU کے سکالرز PDCN کے ماہرین اور ریٹائرڈ و حاضر سروس پولیس آفیسران کے لیکچرز کا اہتمام کیا جائے۔ انہوں نے مذید کہا کہ پولیس فورس دیگر اداروں کے اہلکاروں کو تربیت کی فراہمی میں PTC کا انتہائی اہم رول ہے۔ لہٰذا اس ادارے کیrevamping ضروری ہے۔ انہوں نے متعلقہ آفیسران کو ہدیات دیتے ہوئے کہا کہ آئندہ اے ڈی پی میں شامل کرانے کئے لئیے فوری طور پر پی ٹی سی کا اپ گریڈیشن کا کیس متعلقہ محکمہ کو ارسال کیا جائے۔ میٹنگ میں ایس ایس پی میر طفیل احمد، اے آئی جی حنیف اللہ خان، اے آئی جی ٓپریشنز محمد جمیل ، اے آئی جی لاجیسٹک جہانگیر حسین اور دیگر آفیسران نے شرکت کی۔