سکردو میں پانی کیلئے احتجاج جرم بن گیا؛ آصف ناجی ایڈوکیٹ سمیت دیگروکلاء کے خلاف مقدمہ درج۔

سکردو(ٹی این این) ضلع سکردو میں پانی کی بندش کے خلاف کمشنر آفس کے سامنے احتجاج کرنا جرم بن گیا۔ تفصیلات کے مطابق ضلع سکرد خمبو شغرن کی خواتین پانی کی فراہمی کا مطالبہ لے کر ضلعی انتظامیہ کے دفتر پہنچ گئے لیکن دفتر کے باہر تعینات سیکورٹی اسٹاف نے کمشنر سے ملنے نہیں دیا۔ آصف ناجی ایڈوکیٹ اور دیگر وکلاء کا خواتین کی کمشنر سے ملاقات نہ کرانے کمشنر کے دفتر پر تعینات گارڈ اور آفس بوائے کے ساتھ تلخ کلامی ہوئی جس پر کمشنر نے وکیل ناجی اور دیگر کو گرفتار کرلیا۔ عوامی حلقوں کی جانب سے کہا جارہا ہے کہ اگر تھوڑی سی وقت نکال کر خواتین سے مل لیتے تو معاملہ خوش اسلوبی سے حل ہوسکتا تھا لیکن اُنہوں نے ایسا نہیں کیا۔
پولیس کی جانب سے درج ایف آئی آر کے مطابق ایڈوکیٹ آصف ناجی اور دیگر نے حمید گڑھ کے مقام پر خواتین کو ورغلا کر کمشنر بلتستان آفس کے سامنے جمع کیا اور زبردستی اُن کے دفتر میں گھسنے کی کوشش کی گارڈ کی جانب سے منع پر اُنہوں نے گارڈ کےگالم گلوچ کی۔ پولیس کی جانب سے کار سرکاری میں مداخلت کرنے کے جر م میںآصف ناجی ایڈووکیٹ، ذولفقار علی ایڈووکیٹ اور شاکر ریحان ایڈووکیٹ پر انسداد دہشتگردی کے دفعات 6/7 اور کار سرکار میں مداخلت سمیت فوجداری دفعات شامل ہیں۔ ذرائع کے مطابق پولیس نے آصف ناجی گلگت منتقل کردیا ہے جبکہ ذولفقار اور شاکر ایڈووکیٹ کی ضمانت قبل از گرفتاری کی درخواست پر تین دن کے لئے سماعت ملتوی کردی ہے۔
سوشل میڈیا پر گلگت بلتستان کے وکلاء برادری کی جانب سےگلگت بلتستان میں عوامی حقوق کیلئے آواز اٹھانے اورجدوجہد کرنے والوں کے خلاف اسطرح کے غیر آئینی، غیر قانونی من گھڑتFIR درج کر کے قانون اور انسانیت کو شرما دینے والا واقعہ قرار دیا جارہا ہے۔
دوسری جانب عوامی ایکشن کمیٹی نے یادگار شہداء چوک سکردو پر احتجاج کرکے آصف ناجی سمیت دیگر وکلاء کی گرفتاری کو خلاف قانون اور کمشنر بلتستان کی جانب سے افسر شاہی کی بدترین مثال قرار دیا جارہا ہے۔ عوامی ایکشن کمیٹی بلتستان کے رہنماوں کی جانب سے کمشنر بلتستان کے روئے کو بلتستان کے ماوں بہنوں کی توہین قرار دیکر اُنہیں فوری طور پر بلتستان بدر کرنے کا مطالبہ کیا ہے۔