اہم خبریں

بوائز ڈگری کالج سکردو کے طلبا امتحانی فیس میں اضافے کو لے کر سڑکوں پر نکل آئے۔

سکردو(ذیڈ اے کھرمنگی) بوائز ڈگری کالج سکردو کے طلبا امتحانی فیسوں میں اضافے کو لے کر سڑکوں پر آنکلے۔قراقرم بورڈ کے امتحانی مینجمنٹ کی طرف سے گریجویشن کے فیسوں میں بے تحاشہ اضافے کے باعث طلبا کی بڑی تعداد نے کالج روڈ کو بند کر کے ذبردست احتجاجی مظاہرہ کیا ۔طالب علموں کاکہنا ہےکہ قراقرام انتظامیہ کی طرف سے بی اے ۔بی ایس سی کے امتحانی فیسوں میں بےحد اضافہ کیا گیا ہے جو کہ غریب طالب علموں کے ساتھ سراسر ذیادتی ہے۔طالب علموں کا مزید کہنا ہے کہ پہلے امتحانی فیس کی مد میں 1800 روپیے لیاجاتا تھا جیسے انتظامیہ نے بڑھا کر 6000 تک پہنچا دیا ہے۔جو کہ% 200 سے ذیادہ ہے۔انتظامیہ کی طرف سے غریب طالب علموں کے فیسوں میں اضافہ طالب علموں کو تعلیم سے دور رکھنے کی مذموم کوشش ہے جیسے کسی بھی صورت پورا ہونےنہیں دینگے۔طالب علموں کا کہنا ہے کہ انتظامیہ فیسوں میں اضافہ کو واپس لے ورنہ احتجاجی تحریک چلائینگے۔انہوں نے وزیر اعلیٰ و گورنر گلگت بلتستان سے مطالبہ کیا کہ وہ اس حوالے سے جلد نوٹس لے کر فیسوں میں اضافہ کی سمری کو روکنے کے لئیے اقدامات کریں۔