سکردو(ٹی این این) پی ٹی ڈی سی موٹل کی زمین چیر کر سڑک لے جانے کی کوشش ناکام۔ ذرائع کے مطابق وزیر اعظم سکرٹیرٹ کی جانب سے چیف سیکرٹری کولکھے گئے مراسلے میں حکم دیا ہے کہ پی ٹی ڈی سی موٹل کی زمین پر سے روڈ گزارنے کا کام فوری طور پر روک دیا جائے۔ چیف سیکرٹری گلگت بلتستان نے فوری طور پر نوٹس لیکر محکمہ تعمیرات کو حکم جاری کیا گیا ہے کہ چھومیک پل کے لیے متبادل جگہ سے سڑک بنائی جائے ۔تفصیلات کے مطابق وزیر اعظم پاکستان سیکرٹریت کی جانب سے جاری حکم نامہ پر محکمہ تعمیرات کی نیندیں حرام ہوگئی اور ہنگامی بنیادوں پر متعلقہ عملہ کا اتوار کی چھٹی منسوخ کر کے ایک ہی دن میں سروے مکمل کیا۔ موجودہ سروے کے مطابق سڑک بننے سے نصف سے زائد آبادی کو فائدہ حاصل ہو گا اور مذکورہ پل سے شہر تک فاصلہ قریب ڈیڑھ سے دو کلومیٹر تک رہ جائیں گے جس کے سبب آمد و رفت میں آسانی مسافت میں اور وقت میں کمی آئے گی۔ حالیہ سروے ڈاک خانہ کے سامنے سے نیچے چھومیک کی جانب جانے والی سڑک سے کیا گیا ہے جوکہ انتہائی موزوں ہے پہلے بھی اسی جگہ سے سروے مکمل کیا گیا تھا تاہم سیاسی و بااثر لوگوں کی پلاٹ سے گزرانے کے لیے پی ٹی ڈی سی کی زمین کو چیر کر لے جانے کا فیصلہ کیا گیا تھا۔ وزیر اعظم سیکرٹریت کی جانب سے ایک حکم نامہ پر مذکورہ لوگوں کے خواب اب چکنا چور ہوتے نظر آرہا ہےاوراس اہم فیصلے سےپی ٹی ڈی سی موٹل کی خوبصورتی متاثر ہونے سے بچ گئے۔
اس سلسلے میں سول سوسائٹی عمائدین چھومیک نے وزیراعظم سیکرٹریٹ کی جانب سے فوری طور نوٹس لینے پر شکریہ ادا کیا انہوں نے کہا کہ وزیر اعظم پاکستان سیاحت کو فروغ دینے کا خواہاں ہے اس سلسلہ میں ہیلی کاپٹر سروس شروع کرنے کا پہلے ہی عندیہ دے چکا ہے جو کہ انتہائی حوصلہ افزا ہے موجودہ حکم نامہ بھی اسی سلسلے کی کڑی ہے۔
پی ٹی ڈی سی سکردو چیرنے کے معاملے پر بڑی خبر آگئی،محکمہ تعمیرات عامہ میں ہنگامی صورت حال۔
More Stories
1971 کی جنگ نے خطہ لداخ کی محبت سے کی ہوئی شادی شدہ جوڑے کو کس طرح جدا کردیا درد ناک کہانی
خطہ بلتستان لداخ بارڈر پر پاک بھارت کے فوجی ایک دوسرے سے سگریٹ ڈرائی فروٹ کا تبادلہ کرتے ہیں مگر بچھڑے ہوئے خاُندانوں کو ملنے کیلئے لداخ سکردو روڈ آخر کیوں نہیں کھول رہا؟
عوامی ایکشن کمیٹی دو گروپوں میں تقسیم کے بعد ایک گروپ نے غذر روڑ بند کرنے کا اعلان کردیا اور غذر کے عوام کا بڑا بیان سامنے اگیا