محکمہ صحت ضلع کھرمنگ نے میرٹ اور قانون کا جنازہ نکال دیا ۔

کھرمنگ( ٹی این این) محکمہ صحت ضلع کھرمنگ نے سرکاری نوکریوں کی بھرتی کیلئے قوانین اور میرٹ کا جنازہ نکال دیا۔ تفصیلات کے مطابق ضلع کھرمنگ کے موضع مادھوپور کے مقام تعمیر کردہ اے کلاس سول ڈسپنسری مادھوپور جو اس وقت ڈسٹرک ہیلتھ آفس کے طور پر استعمال ہورہا ہے۔ اس ڈسپنسری کی تعمیر کیلئے رضوان علی ولد موسی ساکن اُردی مادھوپور نے تقریبا ڈیڑھ کنال زمین نوکری دینےکی شرط کو حکومت کو دیا تھا اور مذکورہ شخص پچھلے چار سالوں سے کنٹینجٹ امیدوارکے کام کررہے ہیں لیکن گزشتہ روز اُنکے جگے میں اپر علاقے کسی شخص کو مستقل طور پر گریڈ ون تعنیات کردیا ہے۔
تفصیلات متاثر شخص نے جب اس حوالے سے اس وقت ڈسٹرک ہیلتھ آفسر سے شکایت کی تو اُنہوں نے کہا کہ یہ معاملہ سیکرٹیری ہیلتھ کا ہے اور لہذا ہم اس حوالے سے کچھ کرنے سے قاصر ہے۔ جبکہ متاثرہ شخص کے فیملی ممبران کی جانب سے ڈائریکٹر ہیلتھ نے اس حوالے سے رابطہ کرنے پر درخواست دینے کو کہا ہے۔ ڈپٹی کمشنر کھرمنگ سے جب متاثرین نے رابطہ کیا تو اُنکا بھی یہی کہنا تھا کہ فلحال ہم کچھ نہیں کرسکتے التبہ اگلی بار جو بھی اس ڈسپنسری کیلئے نوکری آئے گا اس میں لینڈڈونر کو اولین ترحیج دیا جائے گا۔
عوامی حلقوں کا کہنا ہے کہ اس آسامی کیلئے محکمہ صحت نے بغیر کسی اشتہار کے من پسند افراد کو بھرتی کیا ہے جو کہ غریبوں کے ساتھ ظلم ہے، عوامی حلقوں کا یہ بھی کہنا ہے کہ ضلع کھرمنگ کے ذیادہ تر سرکاری آسامیاں اس وقت بغیر کسی اشتہار کے تقسیم ہورہا ہے اور اس حوالے سے سیاسی اثر رسوخ کی بنیاد پر مختلف محکموں میں اُمیداران کی لسٹ تیار کی ہوئی ہے جو ڈیوٹی کہیں دیتے لیکن سرکاری کھاتے میں اُمیداوار کے طور پر درج ہیں جنہیں آسامیاں نکلتے ہی بھرتی کیا جاتا ہے اور عوام کو دکھانے کیلئے جعلی انٹرویو بھی کرتے ہیں۔
عوامی حلقوں نے چیف سیکرٹیری گلگت بلتستان سے مطالبہ کیا ہے کہ ضلع کھرمنگ میں گزشتہ دوسالوں کے دوران ہونے والے تمام آسامیوں کی میرٹ پر بھرتیوں کے حوالے سے چھان بین کریں اور ضلع کھرمنگ میں سرکاری آسامیوں پر بھرتی کیلئے خصوصی میکنزم تیار کریں۔