اہم خبریں

اب ہماری باری ہے،بھارت ہمارے جواب کا انتظار کریں۔ ڈی جی آئی ایس پی آر

راولپنڈی (مانیٹرنگ ڈیسک/ٹی این این) ڈائریکٹر جنرل انٹر سروسز پبلک ریلیشنز (آئی ایس پی آر) میجر جنرل آصف غفور نے بھارتی جھوٹ اور دراندازی کا پردہ چاک کرتے ہوئے کہا ہے کہ بھارتی طیاروں نے ایل او سی کو کراس کیا۔ ریڈار پر ان کی پہلی پوزیشن لاہور سیالکوٹ سیکٹر کی جانب بڑھتے دیکھی، بڑی بات نہیں کرنی چاہیے،آئیں 21 منٹ رہ کر دکھائیں۔
پاک فوج کے ترجمان میجر جنرل آصف غفور کا اہم پریس کانفرنس کرتے ہوئے کہنا تھا کہ کہتے ہیں کہ بے وقوف دوست سے عقلمند دشمن بہتر ہے لیکن بدقسمتی سے پاکستان دشمنی میں بھی جھوٹ اور اور بے وقوفی کا سہارا لیتا ہے۔ چند روز سے پاک بھارت تعلقات میں کشیدگی چل رہی ہے، یہ ٹینشن 14 فروری کے بعد بڑھی۔ اس معاملے پر سیاسی اور عسکری قیادت نے قوم کے سامنے اپنے عزم کا اظہار کیا۔ وزیراعظم عمران خان نے واضح کر دیا تھا کہ بھارت نے جارحیت کی تو ہم سوچیں گے نہیں بلکہ جواب دیں گے۔ جبکہ پاک فوج نے بھی بھارت کو واضح کیا تھا کہ حملہ ہوا تو جواب دیا جائے گا۔
بھارتی میڈیا نے 21 منٹوں تک پاکستانی حدود میں رہنے اور 350 دہشتگردوں کو ہلاک کرنے کا جھوٹا اور من گھڑت دعویٰ کیا، بڑی بات نہیں کرنی چاہیے لیکن آئیں اور پاکستان میں 21 منٹ رہ کر دکھائیں۔