دہشتگردی ختم کرنے کیلئےکشمیر میں استصواب رائے ضروری ہے۔بلاول بھٹوزرداری

اسلام آباد(ٹی این این)پاکستان پیپلز پارٹی کے چیئرمین بلاول بھٹو نے بین الاقوامی نشریاتی ادارہ ڈی ڈبلیو کو انٹریو دیتے ہوئے کہا ہے کہ مودی حکومت بھارت کو سیکولر بنیادوں سے ہٹا کر قوم پرستی کی جانب لے گئی۔ ہے۔ ایک سوال کے جواب میں اُنکا کہنا تھا کہ پیپلزپارٹی پلوامہ حملے کی مذمت کرتا ہوں کیونکہ ہم تشدد پر یقین نہیں رکھتی اور ہم ہر قسم کے تشدد کی مذمت کرتے ہیں۔ اس کے بعد ہم سمجھ سکتے ہیں کہ بھارتی عوام اس وقت بہت جذباتی ہیں۔ وہ غم زدہ ہیں، غصے میں ہیں اور پریشان ہیں۔ لیکن سیاست دانوں اور خاص طور پر رہنماؤں کے لیے یہ بہت ضروری ہے کہ وہ ایسے غیر ریاستی گروہوں اور دہشت گردوں کے ہاتھوں میں نہ کھیلیں جو پاکستان اور بھارت کے عوام کو تقسیم کرنا چاہتے ہیں اور ان کے مابین پرامن تعلقات نہیں چاہتے۔
اُنکا کہنا تھا کہ پاکستان پیپلز پارٹی کشمیر میں استصواب رائے چاہتی ہے تاکہ کشمیری عوام جمہوری طریقے سے اپنے مستقبل کا فیصلہ کر سکیں اور ہم اس کے نتائج تسلیم کریں۔ اگر ایسا ہوتا ہے تو مجھے یقین ہے کہ کشمیر میں دہشت گردی بھی ختم ہو جائے گی۔ لیکن جہاں تک پاکستان اور بھارت کے مابین تعلقات کی بات ہے تو میرے خیال میں یہ اہم بات یہ ہے کہ آپس میں بات چیت کی جائے۔ بدقسمتی سے گزشتہ چند برسوں کے دوران، خاص طور پر مودی حکومت کے قیام کے بعد، بھارت کے ساتھ زیادہ بات چیت نہیں ہوئی۔ لیکن امن دوست پاکستانیوں اور امن دوست بھارتیوں کے لیے یہ ضروری ہے کہ وہ ہر قسم کی دہشت گردی کی مذمت کرتے ہوئے قیام امن پر زور دیں۔پاکستان اور بھارت کے مابین قیام امن میں سب سے بڑی رکاوٹ کیا ہے؟ اتنے برسوں کے دوران متعدد کوششیں کی گئیں لیکن سب بے سود رہیں۔
اُنکا مزید کہنا تھا کہ دونوں ممالک میں دہشت گردی ایک مسئلہ ہے اور مسئلہ کشمیر بھی دونوں ممالک کے لیے اہم ہے۔ بدقسمتی سے مجھے یوں محسوس ہوتا ہے کہ جب سے بھارت میں نريندر مودی حکومت ميں آئے ہيں، وہ بھارت کو اس کی سیکولر بنیادوں سے ہٹاتے ہوئے زیادہ قوم پرست حکومت کی جانب لے گئے ہیں۔ پاکستان کے ساتھ امن کی کوششوں کے حوالے سے کوئی دلچسپی دکھائی نہیں ديتی۔ بھارت میں عام انتخابات منعقد ہونے والے ہیں تو شاید اپنے عوام کے لیے مودی صاحب زیادہ داخلی اور جارحانہ پالیسی اختیار کر رہے ہیں۔ مجھے امید ہے کہ انتخابات کے بعد کوئی راہ نکلے گی۔