اہم خبریں

مقامی حکومت دیامر میں تعلیم اور صحت کی پسماندگی کے خاتمے میں بری طرح ناکام ہو گی ہے۔ شاہ ناصر رہنما

چلاس(ڈسٹرکٹ رپورٹر)پاکستان تحریک انصاف گلگت بلتستان کے رہنما شاہ ناصر نے کہا کہ صوبائی حکومت دیامر میں تعلیم اور صحت کی پسماندگی کے خاتمے میں بری طرح ناکام ہو گی ہے۔ڈی ایچ کیو ہاسپٹل چلاس میں ڈاکٹروں کی کمی کی وجہ سے شدید مشکلات لاحق ہیں۔ہسپتال صرف چند سپیشلسٹ ڈاکٹروں کے رحم و کرم پہ ہے۔ جس کی وجہ سے دور دراز کے علاقوں سے آنے والے مریض رل رہے ہیں انہوں نے کہا کہ محکمہ صحت گلگت بلتستان کا دیامر سے ناروا سلوک کی وجہ سے ہسپتال گوں نا گوں مشکلات کے دلدل میں پھنس گیا ہے اور ہسپتال لاوراث ہو کے رہ گیا ہے انہوں نے فورس کمانڈر گلگت بلتستان میجر جنرل احسان محمود اور چیف سکریٹری گلگت خرم آغا سے مطالبہ کرتے ہوئے کہا کہ کہ ڈی ایچ کیو ہاسپٹل چلاس کے مسائل کے حل کے لئے فوری طور پہ کردار ادا کرے اور ہسپتال میں مزید بہتری کے لئے اقدامات کرے۔