سکردو(ٹی این این) گھریلو صارفین کے لئے خوشخبری ، پرائس کنڑول کمیٹی نے ایل پی جی گیس کی قیمتوں میں نمایاں کمی کردی، تفصیلات کے مطابق چیرمین پرائس کنڑول کمیٹی ثنا اللہ خان کی صدارت میں گیس سلنڈرز ڈیلرز اور مجسٹریٹس کا اجلاس ہوا۔ جس میں سکردو شہر میں گھریلو استعمال کے گیس سلنڈرز کی قیمتوں پر نظر ثانی کی گئی۔ اجلاس میں انہوں نے کہا کہ ایل پی جی گیس سلنڈر اوگرا کے طے شدہ قیمتوں پر فروخت کیا جائے گا۔ کوئی بھی گیس ڈیلر اپنی مرضی سے قیمتی بڑھانے کا اختیار نہیں رکھتا۔ خود ساختہ قیمتیں بڑھانے کی صورت میں قانونی کاروائی عمل میں لائی جائے گی۔ انہوں نے اجلاس میں بتایا کہ تمام گیس سلنڈرز ڈیلرز اپنی اپنی دوکان پر آگ بجھانے کے آلات نصب کرنے کے پابند ہیں۔ عدم تعمیل کی صورت میں کسی بھی حادثے کا ڈیلر ذمہ دار ہوگا نیز دوکان کو سیل بھی کیا جائے گا۔ اجلاس میں تمام شہروں میں گیس قیمتیں اور ٹرک کرائیوں کو مد نظر رکھ کر گیس سلنڈرز کے پرانی نرخ نامے پر نظر ثانی کی گئی اور نرخ میں نمایاں کمی کرکے نیا نرخنامہ جاری کردی گئی۔ اجلاس میں یہ بھی فیصلہ کیا گیا کہ ہر ڈیلر نرخ نامہ اپنی دوکان کے کسی نمایاں جگے پر آویزاں کرنے کے پابند ہوگا۔ زائد نرخ لینے کی صورت میں گیس ڈیلر کے خلاف سخت قانونی کاروائی عمل میں لائی جائے گی اور گیس سلنڈر ایسوسی ایشن بھی انتظامیہ کی بھر پور حمایت کرے گی۔ اجلاس کے آخر میں نرخ نامے کو فوری لگاو کرنے اور وقتا فوقتا نرخنامے پر ملکی حالات کے پیش نظر کمی بیشی کرنے پر اتفاق کیا گیا۔
سکردو پرائس کنڑول کمیٹی نے ایل پی جی گیس کی قیمتوں کے حوالے سے شہریوں کو خوشخبری سنا دی
More Stories
1971 کی جنگ نے خطہ لداخ کی محبت سے کی ہوئی شادی شدہ جوڑے کو کس طرح جدا کردیا درد ناک کہانی
خطہ بلتستان لداخ بارڈر پر پاک بھارت کے فوجی ایک دوسرے سے سگریٹ ڈرائی فروٹ کا تبادلہ کرتے ہیں مگر بچھڑے ہوئے خاُندانوں کو ملنے کیلئے لداخ سکردو روڈ آخر کیوں نہیں کھول رہا؟
عوامی ایکشن کمیٹی دو گروپوں میں تقسیم کے بعد ایک گروپ نے غذر روڑ بند کرنے کا اعلان کردیا اور غذر کے عوام کا بڑا بیان سامنے اگیا