ملک میں دو نئے صوبوں کی قیام کیلئے آئینی ترمیمی بل قومی اسمبلی میں جمع۔

اسلام آباد(ویب ڈیسک /ٹی این این)اسلام آباد میں پریس کانفرنس کرتے ہوئے مسلم لیگ ن کے رہنماوں سابق وزیراعظم شاہد خاقان عباسی،مریم اورنگزیب اور احسن کا کہنا تھا کہ حکومت کاروباری حضرات کا اعتماد کھو چکی ہے، ملکی معیشت ٹویٹس سے صیح نہیں ہوگی، حکومت کو اگر اتنی جلدی نہیں تھی تو کیوں ابھی بجٹ پیش کیا گیا۔اُنکا کہنا تھا کہ حکومتی وزرا اور وزیراعظم روز لیکچر دیتے ہیں اور پارلیمنٹ کے باہر تقریریں کرتے ہیں۔ الزامات سے عوام کے مسائل حل نہیں ہونگے۔ حکومت اگر سمجھتی ہے کہ ملکی معیشت کا حل ن لیگ کے احتساب میں ہے تو ہم تیار ہیں۔ احتساب مجھ سے میری کابینہ سے شروع کیا جائے، تاہم وزیراعظم عمران خان عمران خان اپنے کابینہ ارکان سے بھی اثاثوں کی تفصیلات لیں اور وہ سوال جو نواز شریف سے پوچھے گئے وہ اپنی کابینہ سے بھی پوچھیں۔ صرف لیکچر دینے سے معاشی بحران حل نہیں ہو سکتا۔
اس موقع پر پریس کانفرنس سے خطاب میں احسن اقبال کا کہنا تھا کہ تحریک انصاف پر اب جنوبی پنجاب صوبہ بنانے کی ذمہ دار ہے، مسلم لیگ ن نےقومی اسمبلی میں جنوبی پنجاب کو الگ صوبہ بنانے کی قراردار جمع کروا دی ہے۔احسن اقبال کا کہنا تھا کہ یہ حکومت زمینی حقائق سے بے خبر ہے، ہمیں حقیقی نمائندگی چاہیے۔ آج کے دور میں تقریروں کا نہیں گروتھ ریٹ کا مقابلہ ہے۔ بیرونی سرمایہ کاری نہیں ہو رہی، ملک میں لاکھوں لوگ بے روزگار ہو چکے ہیں۔ ملک میں تعمیراتی پہیہ سست ہو چکا ہے، ہر شعبے میں بروزگاری نوٹسز مل رہے ہیں لیکن حکومت کا بس اپوزیشن کے ساتھ محاذ آرائی پر زور ہے۔