اہم خبریں

سانحہ ساہیوال،سی ٹی ڈی پانچ اہلکاروں کیخلاف دہشت گردی کا مقدمہ چلانے کا فیصلہ۔

لاہور (ویب ڈیسک/ٹی این این) وزیر قانون پنجاب راجہ بشارت نے کہا ہے کہ خلیل کے خاندان کے قتل کا ذمہ دار سی ٹی ڈی کے اہلکار ہیں۔ جے آئی ٹی کی ابتدائی رپورٹ کی روشنی میں کارروائی کا آغاز کیا۔
ساہیوال واقعہ سے متعلق بریفنگ دیتے ہوئے ان کا کہنا تھا کہ عوام سے وعدہ کیا ہے انصاف کے تقاضے پورے کریں گے۔ ملزموں کو مثال بناکر متاثرہ خاندان کو انصاف فراہم کریں گے۔ انصاف کو ہر صورت یقینی بنائیں گے۔
وزیرقانون پنجاب نے کہا کہ خلیل کے خاندان کے قتل کا ذمہ دار سی ٹی ڈی کے اہلکارہیں۔ ایڈیشنل آئی جی آپریشن رائے طاہر کو عہدے سے ہٹادیا گیا ہے۔راجہ بشارت نے بتایا کہ وزیراعلیٰ پنجاب کےحکم پر جے آئی ٹی بنائی گئی۔ جے آئی ٹی کی ابتدائی رپورٹ کی روشنی میں کارروائی کاآغازکیا۔ ڈی آئی جی ساہیوال کو بھی عہدے سے ہٹا دیا گیاہے۔ ایس ایس پی سی ٹی ڈی کو بھی عہدےسے ہٹا دیا گیا ہے۔ مجموعی طور پر 5افسران کو معطل کیا گیا ہے۔
پنجاب کے وزیر قانون نے واضح کیا کہ ملزمان کومثال بناکرمتاثرہ خاندان کوانصاف فراہم کریں گے۔ 5 اہلکاروں کے خلاف دہشت گردی کا مقدمہ چلایا جائے گا۔ باقی واقعے کی تمام تفصیلات کل بتائیں گے۔ تاریخ میں پہلی دفعہ 72گھنٹوں میں کارروائی کی گئی۔ کل میڈیا کو ان کیمرہ بریفنگ دی جائے گی۔