اہم خبریں

برف باری میں ہنگامی صورت حال سے نمٹنے کیلئے ضلع کھرمنگ میں کوئی انتظام نہیں۔

کھرمنگ(ٹی این این) گلگت بلتستان بھر میں شدید برف باری کے بعد ہنگامی صورت کا حال اعلان کے باوجود ضلع کھرمنگ انتظامیہ اس حوالے سے بلکل لاعلم نظر آتا ہے۔ تفصیلات کے مطابق ضلع کھرمنگ چونکہ ذیادہ تر نالہ جات پر مشتمل ہیں اور نالہ جات میں گرمیوں کے موسم میں بھی سڑکوں کی سہولت نہ ہونے کی وجہ سے کسی بھی قسم ہنگامی صورت سے نمٹنے کا کوئی انتظام نہیں۔اس سال گلگت بلتستان میں شدید برف باری پڑی ہے لیکن ضلع کھرمنگ انتظامیہ کے پاس ہنگامی صورت حال سے نمٹنے کیلئے نہ ہی کوئی ایمبولنس سروس موجود ہے اور نہ ہی ریسکو 1122 کا ادارہ فعال ہے اور نہ ہی ابھی تک کنٹرول روم قائم کیا ہے۔ عوامی حلقوں نے چیف سیکرٹری گلگت بلتستان سے مطالبہ کیا ہے کہ ضلع کھرمنگ میں برف باری میں کسی قسم کی ناگہانی صورتحال سے نمٹنے کیلئے انتظامات کریں اور کھرمنگ کے تمام یونین کونسل میں خصوصی طور پر ریسکو کی گاڑیوں اور موصلاتی نظام اور ٹیلی فون کی بحالی کو یقینی بنائیں۔