اہم خبریں

ایف بی آر کا دنیا بھر میں پاکستانیوں کے 50 ہزار بینک اکاؤنٹس تک رسائی کا دعویٰ۔

اسلام آباد (ویب ڈیسک /ٹی این این) فیڈرل بورڈ آف ریونیو (ایف بی آر) ذرائع کے مطابق پاکستانیوں کے بیرون ملک یہ بینک اکاؤنٹس سپین، اٹلی، فرانس، جرمنی اور دیگر ملکوں میں ہیں۔میڈیا رپورٹ کے مطابق ایف بی آر کو بڑی کامیابی ملی ہے۔ دنیا بھر سے پاکستانیوں کے 50 ہزار بینک اکاؤنٹس کا ڈیٹا مل گیا ہے۔ بیرون ملک موجود یہ بینک اکاؤنٹس سپین، اٹلی، فرانس، جرمنی اور دیگر ملکوں میں ہیں۔
ایف بی آر ذرائع کا کہنا ہے کہ وہ معلومات خفیہ رکھنے کے پابند ہیں۔ تاہم غیر ملکی بینک اکاؤنٹس رکھنے والوں میں زیادہ تر افراد کا تعلق کراچی، لاہور اور اسلام آباد سے ہے۔ایف بی آر کا کہنا ہے کہ اگلے دو سال میں کسی کے لئے بیرون ملک بینکوں میں اکاؤنٹ رکھنا ممکن نہیں ہوگا۔ قومی ادارے نے دبئی میں 537 افراد کی 1365 جائیدادوں کی تحقیقات کیں۔ دبئی میں 38 ارب مالیت کی 867 پراپرٹی ثابت کی جا سکیں۔ دبئی میں 316 افراد نے ایمنسٹی سکیم میں پراپرٹی قانونی بنائی، ایمنسٹی سکیم میں ایک ارب 20 کروڑ کا ٹیکس ملا۔