0
0
سکردو(ٹی این این) سرکاری نرخ سے زائد قیمت وصول کرنے والے اوربغیر لائسنس یافتہ قصابوں کو چین سے بیٹھنے نہیں دیں گے۔ ٹھیکدار پورے سال تک سپلائی دینے کا پابند ہے۔ قصائی کی دوکانوں پر صفائی ستھرائی کا خیال نہ رکھنے والی دکانیں سیل ہو جائے گی۔ ان خیالات کا اظہار ثنا اللہ خان اسسٹنٹ کمشنر سکردو نے صدر انجمن تاجران، مجسٹریٹس گوشت ٹھیکدار اور قصابوں کے ہمراہ ہونے والی میٹینگ میں کیا۔ انہوں نے کہا کہ گوشت کی اکثر دکانوں پر جالی نہیں لگایا ہوتا اور گوشت کو کھلا لٹکایا جاتا ہے، جوکہ مضر صحت کا موجب ہوتا ہے۔ آئندہ کسی بھی دوکان پر گوشت کھلا نظر آنے کی صورت میں سخت کاروئی عمل میں لائی جائے گی۔ انہوں نے مزید کہا کہ موسم سرما میں مال مویشی کی کمی کو مد نظر رکھ کر چھوٹے گوشت کی قیمتوں میں کچھ اضافہ کیا گیا یے۔ موسم گرما میں نرخ نامے پر پھر سے نظر ثانی کی جائے گی۔ انہوں نے کہا کہ میونسپل ائیریا اور باہر ایک ہی نرخنامہ ہوگا۔ نرخنامہ دوکان میں واضح جگہ پر آویزاان ہونا ضروری ہے۔ سرکاری نرخ نامے سے ایک روپے بھی زائد قیمت وصول کرنے والے قصاب پر بھاری جرمانے عائد کئے جائیں گے۔ انہوں نے مزید کہا کہ آئندہ چند دنوں میں مذبح خانہ بھی تیار ہوجائے گا اس کے بعد تمام جانوروں وہاں پر ذبح کیا جائے گا اور وہاں پر بلدیہ کا سٹمپ لگانا ضروری ہوگا۔ بغیر سٹمپ کے گوشت فروخت کرنے والے قصاب کو دھر لیا جائے گا۔ انہوں نے کہا کہ مکس گوشت میں 200گرام سے زیادہ اجڑی شامل نہیں کیا جائے گا۔ خلاف ورزی کی صورت میں سخت کاروائی ہوگی۔
More Stories
1971 کی جنگ نے خطہ لداخ کی محبت سے کی ہوئی شادی شدہ جوڑے کو کس طرح جدا کردیا درد ناک کہانی
خطہ بلتستان لداخ بارڈر پر پاک بھارت کے فوجی ایک دوسرے سے سگریٹ ڈرائی فروٹ کا تبادلہ کرتے ہیں مگر بچھڑے ہوئے خاُندانوں کو ملنے کیلئے لداخ سکردو روڈ آخر کیوں نہیں کھول رہا؟
عوامی ایکشن کمیٹی دو گروپوں میں تقسیم کے بعد ایک گروپ نے غذر روڑ بند کرنے کا اعلان کردیا اور غذر کے عوام کا بڑا بیان سامنے اگیا