ضلع کھرمنگ میونسپل ایریا کی حد بندی سیاسی بنیادوں پر نہیں بلکہ جعرافیائی حیثیت کو سامنے رکھ کر کیا جائے۔ اہل علاقہ

کھرمنگ(تحریر نیوز نیٹ ورک) ضلع کھرمنگ میونسپل ایریا کو سیاسی اثررسوخ کی بنیاد پر بنانے کی کوششوں کے حوالے ضلعی ہیڈکوارٹر کے عقب میں موجود 9 گاوں غاسنگ تا ہلال آباد کے عوام میں شدید تشویش پایا جاتا ہے۔ اہل علاقہ نے اس حوالے سے میٹیگیں شروع کردی ہے جو احتجاج تک بھی جاسکتا ہے۔ اس سلسلے ہم نے گزشتہ روز ایک خبر بریک کی تھی جس میں انکشاف کیا تھا کہ آغا محمدعلی شاہ اور مہدی سے حال ہی میں تحریک انصاف میں شامل وزیر محمد سلیم میونسپل ایریا کو اپنے سیاسی اور علاقائی مفادات کیلئے طویل کرنا چاہتا ہے ۔ لیکن اہلیان غاسنگ تا ہلال آباد کے عوام نے اپنے خدشات کا اظہار کرتے ہوئے کہا تھا کہ یہ علاقہ تمام تر معاشرتی نظام مشترک ہونے کے باوجوددو یونین کونسل کے درمیان سیاسی تقسیم کو اس علاقے کی ترقی اور تعمیرمیں سب سے بڑی رکاوٹ قرار دیکر میونسپل سے پہلے غاسنگ تا ہلال آباد کی اور جعرافیائی اور سیاسی حیثیت کو منوانے کیلئے یونین کونسل کو ڈکلیر کرنے کا مطالبہ کیا تھا۔ اس حوالے سے وزیر محمد سلیم نے اپنے نام سے منسوب خبر کو مسترد کرتے ہوئے بیان دیا ہے کہ میونسپل میں اگر مہدی آباد شامل نہیں ہوتے توہمیں کوئی اعتراض نہیں کیونکہ میرے لئے کھرمنگ کے سارے علاقے اہم ہیں ،حالانکہ ہم نے اس حوالے سے ہم نے سکردو میں تحریک انصاف کے اہم رہنما سے بات کی تھی اور اُنہوں نے کہا تھا کہ اُنکا مطالبہ نہیں لیکن خواہش ضرور اظہار کیاہے۔
اہلیان غاسنگ تا ہلال آباد نے میونسپل کو سیاسی بنیادوں میں تقسیم کے سازش کو روکنے کیلئے جامع حکمت عملی تیار کرنے کا فیصلہ کرتے ہوئے ایک کمیٹی تشکیل دی ہے جو اس حوالے سے فالو اپ کرتے ہوئے ضلع کھرمنگ کو میونسپل ایریا کو جعرافیائی بنیادوں پر بنانے کے بجائے سیاسی بنیادوں پر بنانے کی کوشش کرنے کی صورت میں عوام کو سڑکوں پر لایا جائے گا۔ غاسنگ تا ہلال آباد کے عوام کا مطالبہ ہے کہ اصولی طور پر جہاں ہیڈکوارٹر ہے اُس کے قرب جوار کے علاقے میونسپل ایریا کہلاتے ہیں لیکن یہ علاقہ چونکہ سیاسی طور پر تقیسم ہونے کی وجہ سے کمزور ہے اس وجہ سے یہاں کے عوام کی رائے اور مطالبے کو پس پشت ڈال کر سیاسی طاقت کی بنیاد پر اس علاقے کے ساتھ مزید کھلواڑ نہیں ہونے دیا جائے گا۔گزشتہ رات علاقے کے اہم سیاسی سماجی اور دانشوروں نے ایک میٹینگ میں حکومت سے یہ مطالبہ کیا ہے کہ میونسپل ایریا کو سیاسی بنیادوں پر تقسیم کرکے دفاعی اعتبار سے اہم ضلع کے فضا کو خراب نہ کریں اور غاسنگ تا ہلال آباد سے ہٹ کر کئی کلومیٹر اوپر یا نیچے لے جانے سے اصل حقداروں کی حلق تلفی اور یہ علاقہ مستقل طور پر نظر انداز ہوسکتا اور کھرمنگ میں احتجاج کا ایک نیا سلسلہ شروع ہوجائے گا۔