اہم خبریں

وزیراعظم عمران خان نے سٹیزن پورٹل کے ذریعے موصول شکایتوں کی تفصیلات جاری کر دی۔

اسلام آباد(تحریر نیوز نیٹ ورک)وزیراعظم عمران خان نے سماجی رابطوں کی ویب سائٹ ٹوئیٹر پر اپنے خیالات کا اظہار کرتے ہوئے کہا کہ عوام اپنے مسائل کے فوری اورمؤثر حل کیلئے 28اکتوبر کو قائم کیا گیاوزیراعظم شکایات سیل استعمال کریں۔
وزیراعظم عمران خان کا کہناتھاکہ گزشتہ47دنوں میں 1 لاکھ 72 ہزار شکایات موصول ہوئیں جن میں سے 59 ہزار نمٹائی جاچکی ہیں جبکہ باقی شکایات کے ازالے کےلئے کارروائی جاری ہے۔
وزیراعظم عمران خان نے اپنے ٹوئٹر بیان میں کہا کہ29ہزار لوگوں نے اپنی رائے کااظہار کیا جن میں سے57فیصد لوگوں نے اس اقدام پرسو فیصد اطمینان کا اظہار کیا۔

اُنکا کہنا تھا کہ میں چاہتا ہوں کہ عوام یہ پورٹل استعمال کریں تاکہ ہماری حکومت مزید بہتر انداز میں عوام کی خدمت کا فریضہ سرانجام دے سکے۔ ڈاؤن لوڈ کرنے کیلئے مندرجہ ذیل لنک استعمال کریں
https://play.google.com/store/apps/details?id=com.govpk.citizensportal