اہم خبریں

محکمہ بی اینڈ آر کھرمنگ مشتہر شدہ آسامیوں پر جلد از جلد ٹیسٹ و انٹرویو کروائیں۔بے روزگار ایکشن کمیٹی

کھرمنگ(ذیڈ اے کھرمنگی)بے روزگار ایکشن کمیٹی اولڈینگ کھرمنگ کے صدر سب انجینیر ذوالفقار علی موسوی اور جنرل سکرٹیری ممتاز ناصری نے اپنے ایک مشترکہ بیان دیتے ہوئے کہا ہے کہ محکمہ بی اینڈ آر کھرمنگ کی طرف سے مشتہر شدہ آسامیوں پر بھرتی کے حوالے سے تاخیری حربے استعمال کر رہے ہیں۔جب کہ دوسرے اضلاع میں ساتھ مشتہر شدہ آسامیوں پر تقرری عمل میں آچکا ہے۔جو یہاں کے بے روزگار نوجوانوں کے ساتھ ظلم کے مترادف ہیں۔انہوں نے کہا کہ محکمے کی جانب سے اب تک ٹیسٹ و انٹرویو کا انعقاد نہ کرنےکی وجہ سے بے روزگار نوجوانوں میں مایوسی پھیل رہی ہیں۔انہوں نے مزید کہا کہ محکمہ بی اینڈ آر کھرمنگ کو اس حوالے سے سنجیدہ کوشش کر کے جلد از جلد بھرتی کا عمل شروع کرنا چاہے تاکہ بے روزگار نوجوانوں میں پھیلے مایوسی ختم ہو سکے۔