حکومتی نارواسلوک سے پریشان ضلع ہنزہ کے عوام سڑکوں پر نکل آئے،وزیر اعلیٰ کے خلاف شدید نعرے بازی۔

ہنزہ(تحریر نیوز نیٹ ورک) ضلع ہنزہ کےساتھ گلگت بلتستان میں مسلم لیگ ن کے حکومت کی جانب سے امتیازی سلوک کے خلاف آل پارٹیز، ہوٹل ایسوسی ایشن، مارکیٹ ایسوسی ایشن کا علی آباد ہنزہ میں ضلع بھر کے عوام سردی کے سخت موسم میں بھی حکومت کے خلاف سڑکوں پر نکل آیا۔ مظاہرین نے مسلم لیگ ن کی حکومت کے خلاف شدید نعرے بازی کی اوراُنکا کہنا تھا کہ اس وقت ضلع ہنزہ بجلی کے لے لوڈشیڈینگ کے تاریخی بحران سے گزر رہا ہے لیکن عوام سے ووٹ لینے والے اسپیشل لائینوں کے مزے لے رہے ہیں،مظاہرین نے خطاب کرتے ہوئے مختلف سیاسی اور سماجی رہنماوں کا کہنا تھا کہ اس وقت ضلع ہنزہ کو پینے کا صاف پانی میسر ہے اور نہ ہی ضلع ہزنہ میں کوئی اسپیشلسٹ ڈاکٹر اور اچھا ہسپتال ہے جہاں غریب عوام کو بنیادی صحت کی سہولت مل سکے۔
مظاہرے سے خطاب کرتے ہوئے مقررین کا کہنا تھا کہحکومت کی جانب سے عوام کوبیوقوف بنانےکیلئے0.8 mw کا جو ڈیزل جنریٹر لایا گیا ہے وہ ایک گاوں کے لئے بھی ناکافی ہے اور اس جنرٹیر کرپٹ عملےکیلئے ڈیزل چوری کا گنگا بن گیا ہے جبکہ پن بجلی کے منصوبے عوامی نمائندوں کے مجرمانہ غفلت کے شکار ہیں،اُنکا مزید کہنا تھا کہ قراقرم ہائے وے کیلئے 2007 میں چھینی گئی آباد زمینوں کا آج تک معاوضہ نہیں دیا گیا ہے جبکہ عطاآباد جھیل کے متاثرین کے لیے USAIDکا دیا ہوا 12 ملین ڈالر کی نقد امداد سرے سے ہی غائب کردی گئی ہے. بابا جان سمیت ہنزہ کے درجنوں نوجوان نا کردہ گناہوں کی عمر قید سزا کاٹ رہے ہیں جبکہ قاتلوں کو تحفظ دینے کے لئے جوڈیشیل انکوائری رپورٹ کو غائب کردیا گیا ہے۔ ہنزہ کے ان بنیادی مسائل کی وجہ موجودہ اور ماضی کی حکمران پارٹیاں اور ان کے برابر شریک جرم نام نہاد بلکہ عوام دشمن نمائندے ہیں۔ اس موقع پر مظاہرین نے وزیر اعلیٰ اور محکمہ برقیات مردآباد کے نعرے بھی لگا دئے، آل پارٹیز کمیٹی کے رہنماوں نے عوامی مسائل حل نہ کرنے کی صورت میں قومی تحریک کا آغازکرنے اورمطالبات منظور نہ ہونے کی صورت میں شاہرا ہ قراقر م پر دھرنے کی دھمکی دی ہے۔