اہم خبریں

متحدہ عرب امارات کی بری فوج کے سربراہ کا آرمی چیف جنرل قمر جاوید باجوہ سے ملاقات ،باہمی امور پر تبادلہ خیال۔

راولپنڈی( مانیٹرنگ ڈیسک) متحدہ عرب امارات کی بری فوج کے سربراہ میجر جنرل صالح محمد نے بری افواج کے ہیڈ کوارٹرز کا دورہ کیا اور آرمی چیف جنرل قمر جاوید باجوہ سے ملاقات کی ۔آئی ایس پی آر کے مطابق آرمی چیف جنرل قمر جاوید باجوہ سے متحدہ عرب امارات کی بری فوج کے کمانڈر نے ملاقات کی، ملاقات میں علاقائی سلامتی کی صورتحال سمیت باہمی دلچسپی کے امور پر تبادلہ خیال کیا گیا۔پاک فوج کے ترجمان ا دارے آئی ایس پی آر کے مطابق دونوں ممالک کی مسلح افواج کے سربراہان نے پاکستان اور امارات کے درمیان دفاع ،سکیورٹی کے شعبوں اور فوجی تربیت کے لیے تعاون کے فروغ پر بھی تبادلہ خیال کیا۔ میجر جنرل صالح محمد نے دہشتگردی کے خلاف جنگ میں پاک آرمی کی کامیابیوں کو سراہا۔پاکستان آرمی کے شعبہ تعلقات عامہ کے مطابق میجر جنرل صالح محمد کوجی ایچ کیو آمد پر گارڈ آف آنر پیش کیا گیا ،معزز مہمان نے یادگار شہداء پر حاضری دی اور پھولوں کی چادر چڑھائی۔