سکردو میں مزدور رہنما کے ساتھ معرفی فاونڈیشن کے جنرل منیجر کا ناروا سلوک، سوشل میڈیا پر ہنگامہ۔

سکردو( تحریر نیوزنیٹ ورک) کل سکردو کے مقامی ہوٹل میں ضلع کھرمنگ سے تعلق رکھنے والے ایک مزدور رہنما مرحوم حاجی فدا کے تعزیتی پروگرام میں عجیب منظر پیش آیا۔ تفصیلات کے مطابق تعزیتی پروگرام میں جب کھرمنگ میں مزدور حقوق کیلئے جدوجہد کرنے والے مزدور رہنما آخوند غلام کو جب تقریر کرنے کا موقع ملا تو اُنہوں نے ضلع کھرمنگ کے کرپٹ عناصر پر کڑی تنقید کی۔ اس تقریب میں آغا محمد علی شاہ رضوی سمیت اہم حکومتی شخصیات موجود تھے ۔موقعے سے فائدہ اُٹھاتے ہوئے مزدور رہنما آخوند غلام نے کھرمنگ کے عوام کومزدور رہنما حاجی فدا کے نقش قدم پر چلنے کی تلقین کی اور کھرمنگ میں ہونے والے کرپشن کے حوالے سے تقریر کیا تو معرفی فاؤنڈیشن بلتستان کے جنرل منیجر فضل علی کو غصہ آیا اور اُنہوں نے سٹیج پر آکر اُن سے مائک چھین کر دھکے دیکر زبردستی سٹیج سے اُتارا اور یہ کہہ کر خود نے تقریر شروع کہ کہ اس قسم کے واقعات ہر معاشرے میں ہوتے ہیں لہذا یہاں متنازعہ تقریر نہ کیا جائے اس موقع پرمسلم لیگ نون کارکنوں نے بھی مزدور رہنما کو ہال سے دھکے دے کر باہر نکالا ۔
اس واقع کی ویڈیو سوشل میڈیا پر وائرل ہونے کے بعد ایک نئی بحث چھیڑ گئی ہے عوامی حلقوں کا کہنا ہے کہ فضل علی ایک این جی او کا افسر ہے اور اُنکا سیاسی معاملات میں مسلسل دخل اندازی بلتستان میں معروفی فاونڈیشن جیسے بڑے خدمتگار ادارے کو مشکوک بنا رہے ہیں اُن کے حوالے سے یہ بھی کہا جاتا ہے کہ اُنہوں نے ادارے میں خوب کرپشن کی ہے اور خاص طور پر معرفی ہسپتال سکرود کی تعمیراتی میٹریل میں خوب کمیشن کمائے ہیں اور فلاحی ادارے کو اپنے سیاسی مقاصد کیلئے استعمال کرنے اور صرف منظور نظر افراد اور علاقوں کو نوازنے کے ساتھ ادارتی سطح پربھی ایک طرح سے فرعون بنا ہوا ہے۔
عوامی ایکشن کمیٹی بلتستان کے رہنماوں نے اس واقع کا نوٹس لیتے ہوئے مزدور رہنما سے معافی مانگنے کا مطالبہ کیا ہے جبکہ کل سے ابھی تک معرفی فابڈیشن کے اہم ذمہ دار کی طرف سے کرپشن کے خلاف غصے کا اظہار کرنے پر شکوک شبہات ہورہا ہے۔