اہم خبریں

محکمہ تعلیم سکردو میں سفارشی افراد کو نومنیشن لسٹ سے پہلے لیٹر جاری کرنے کا انکشاف۔

سکردو (تحریر نیوزنیٹ ورک) معروف سوشل ایکٹیوسٹ ذاکر بلتستانی نے کہا ہے کہ محکمہ ایجوکیشن ڈائریکٹریٹ نے میرٹ کی دھجیان اڑاتے ہوئے نومینشن لسٹ لگنے سے پہلے ہی سفارشی افراد اور طلباء کو لیٹر دے دیا۔حکام نوٹس لیے اور تحقیقات کریں۔ انہوں نے کہا ہے کہ ڈائریکٹریٹ ایجوکیشن گلگت کی جانب سے میرٹ پامالی کا سلسلہ جاری ہے۔مختلف کالجوں، یونیورسٹیوں ،ٹیکنکل اور میڈیکل اداروں میں داخلے اور نومینشن کے منتظر سینکڑوں کی طلباء کی امید خاک میں ملادی ۔اور میرٹ کے بجائے سفارشی عناصر کو نومینیشن لیٹر جاری کردئے۔ جوکہ سراسر ناناانصافی ہے۔ہم اس پر خاموش ہرگز نہیں رہیں گے۔انہوں نے حکام بالا سے مطالبہ کیا ہے کہ نومینیشن لیٹر قبل از وقت جاری کرنے کے واقعے کی انکوائری کرواکر ملوث حکام کے خلاف سخت قانونی کاروائی کیا جائے۔