اسلام آباد(تحریر نیوز نیٹ ورک) مسلسل ایک ماہ کی کشمکش اور خبروں میں رہنے کے بعد بلاآخر پاکستان تحریک انصاف کی قیادت نے گورنر گلگت بلتستان کا فیصلہ کردیا۔اور راجہ جلال کو گلگت بلتستان کا گورنر مقرر کردیا۔ راجہ جلال حسین مقپون اس وقت تحریک انصاف گلگت بلتستان کے صدر ہیں۔ راجہ جلال کے گورنر کا منصب سنبھالنے کے بعد گلگت بلتستان میں منقسم پارٹی قیادت ایک بار پھر قیادت کیلئے سرد جنگ چھیڑنے کا خدشہ بتایا جاتا ہے کیونکہ اس وقت گلگت بلتستان میں تحریک انصاف مختلف گرہوں میں تقسیم ہے۔ راجہ جلال حسین کا تعلق بلتستان سے ہے اور گزشتہ الیکشن میںاُنہوں نے پہلی گنتی کے نتیجے میں ن لیگ کے اکبر تابان کو شکست دے کر کامیاب ہوئے تھے تاہم موجودہ سنئیر وزیر اکبر تابان کی طرف سے اعتراض کے بعد دوسری اور پھر تیسری گنتی کے بعد راجہ جلال ن لیگ کے اکبر تابان سے صرف ایک ووٹ سے ہار گیا تھا ۔ راجہ جلال کا موقف ہے کہ انہیں دھاندلی کرکے ہرایا گیا تھا۔ الیکشن ٹربیونل میں یہ کیس ابھی بھی زیرسماعت ہے۔
گزشتہ روز اُنکا نام گورنر گلگت بلتستان کیلئے فائنل کرنے کی خبروں پر پارٹی کارکنوں نے جشن بھی منایا اور بکروں کا صدقہ بھی دیا تھا۔ واضح رہے کہ گورنر گلگت بلتستان میر غضنفر کے مستعفی ہونے کے بعد عمران خان نے گورنربنانے کا فیصلہ کیا تھا۔ ذرائع کے مطابق عمران خان نے یہ فیصلہ جہانگیرترین کے مشورے کے بعد کیاتھا۔ یاد رہے مقپون خاندان کے چشم چراغ ہے اور. انہوں نے مہدی آباد وزیر فیملی سے شادی کیا ہوا ہے راجہ جلال والد کی وفات کے بعد سکردو کا راجہ کا تاج کے ان سر سجایا گیا تھا اور ان کا خاندان کے چچا زاد بھائی راجہ جلال مسلم لیگ ق لیگ اور ایم کیو ایم کے ٹکٹ پر سکردو حلقہ ون سے الیکشن لڑنے کے بعد ہار نصیب ہوئی اور اپ سکردو حلقہ ون سے پاکستان تحریک انصاف کا ٹکٹ کیلئے مظبوط ترین امیداوار بن چکا ہے راجہ جلال پولو کے کھلاڑی بھی رہا ہے اور پولو کے کھیل کو سکردو میں فروغ دینے کیلئے اقدامات کیا جارہا ہے

More Stories
1971 کی جنگ نے خطہ لداخ کی محبت سے کی ہوئی شادی شدہ جوڑے کو کس طرح جدا کردیا درد ناک کہانی
خطہ بلتستان لداخ بارڈر پر پاک بھارت کے فوجی ایک دوسرے سے سگریٹ ڈرائی فروٹ کا تبادلہ کرتے ہیں مگر بچھڑے ہوئے خاُندانوں کو ملنے کیلئے لداخ سکردو روڈ آخر کیوں نہیں کھول رہا؟
عوامی ایکشن کمیٹی دو گروپوں میں تقسیم کے بعد ایک گروپ نے غذر روڑ بند کرنے کا اعلان کردیا اور غذر کے عوام کا بڑا بیان سامنے اگیا