اہم خبریں

عدالت نے عدالت کا فیصلہ معطل کردیا،نواز شریف،مریم اور داما صفدر کو رہا کرنے کا حکم۔

اسلام آباد(تحریر نیوز نیٹ ورک) اسلام آباد ہائی کورٹ نے ایون فیلڈ ریفرنس میں احتساب عدالت کی دی گئی سزائیں معطل کر دی ہیں۔اسلام آباد ہائی کورٹ کے جسٹس اطہر من اللہ اور جسٹس میاں گل حسن اورنگزیب پر مشتمل دو رکنی بنچ نے درخواستوں کی سماعت کرتے ہوئے فیصلہ سُنایا کہ ایون فیلڈ ریفرنس میں سنائی گئی سزاؤں کے خلاف اپیلوں کا فیصلہ ہونے تک سزا معطل رہے گی۔
عدالت عالیہ نے نواز شریف، مریم نواز اور کیپٹن ریٹائرڈ صفدر کو پانچ، پانچ لاکھ روپے کی ضمانتی مچلکوں کے عوض رہا کرنے کا حکم دیا۔اڈیالہ جیل میں قید سابق وزیراعظم نواز شریف، مریم نواز اور کیپٹن صفدر عدالتی فیصلے کے شدت سے منتظر رہے۔
اڈیالہ جیل میں قید تینوں قیدیوں کو سرکاری ٹی وی سے فیصلہ محفوظ ہونے کی خبرکا پتہ چلا۔ فیصلہ کا وقت قریب آتے ہی سپریٹنڈنٹ جیل اور دوسرے حکام بھی اڈیالہ جیل پہنچ گئے۔ ذرائع کے مطابق آج ہی تینوں کو رہا کردیا جائے گا۔