اہم خبریں

قومی اسمبلی میں دیامر بھاشا سمیت نئے ڈیمز کی تعمیر سے متعلق قرارداد متفقہ طور پر منظور۔

اسلام آباد(مانیٹرنگ ڈیسک) سپیکراسدقیصرکی زیرصدارت قومی اسمبلی کے اجلاس ہوا جس میں وزیراعظم عمران خان سمیت دیگر وزرا بھی پیش ہوئے ۔اجلاس میں نئے ڈیمز کی تعمیر سے متعلق تحریک پی ٹی آئی کے علی محمد خان نے پیش کی جسے اتفاق رائے سے منظور کر لیا گیا۔
قومی اسمبلی میں اظہار خیال کرتے ہوئے مسلم لیگ ن کے رکن قومی اسمبلی خواجہ آصف نے کہا ہے کہ ڈیموں کے معاملے کوسیاست کی نظر نہ کیاجائے،چنداجمع کرنابھی احسن اقدام ہے،لوگ بھی حصہ لے رہے ہیں،چندے سے 2،4 ارب مزیدشامل ہوجاتاہے تواچھی بات ہے،انہوں نے کہا کہ ہمیں پانی کی بچت کی عادت ڈالنا ہو گا،چندہ جمع کرنا احسن ااقدام ہے اس سے قوم میں احساس پیدا ہوگا۔خواجہ آصف کے اظہار خیال پر وزیرخارجہ شاہ محمود قریشی نے مکمل تائید کا اظہار کیااور قوی اسمبلی کے سپیکر اسد قیصر کا کہنا تھا کہ نئے ڈیمز کی تعمیر سے متعلق قرارداد ایوان میں پیش کی جائے ۔