اہم خبریں

غذر میں چرواہے کے ساتھ تاریخی فراڈ،حکومت ملزمان کو گرفتار کرنے میں تاحال ناکام۔

چلاس(پ،ر) گزشتہ دنوں بنگہ نالہ گیس ضلع دیامرسے تعلق رکھنے والا وزیر ولد جرمن کے حوالے سے ایک خبر سوشل میڈیا پر وائرل ہوا تھا جس کے مطابق 300بکریوں کے مالک اس چرواہے کو مقامی ٹھگوں نے مویشیوں کا ٹھیکدار ظاہر کر کے چرواہےکی سادگی سے فائدہ اٹھاتے ہوے دس کنال مزروعہ زمین کا جھانسہ دیکر ایک سو چالیس بکریاں چار مویشی اٹھا لیا اور وزیر اور اس کے خاندان کو ایک ٹرک میں لوڈ کر کے دیامر سے ضلع غذر لایا جہاں پہلے سے مکان کرایہ پر لیا ہوا تھا اس میں منتقل کیا اور ساتھ میں ایک بڑا پلاٹ بھی ان کو دیکھایا گیا پلاٹ کا مالک کوئی اور تھا لیکن بلور خان نے پلاٹ کو اپنی ذاتی ملکیت ظاہر کر کے عارضی طور پر قبضہ بھی دے دیا۔ بعدمیں اُس پلاٹ کا اصل مالک کوئی اور نکلا اور جس مکان میں رہائش دیا گیا تھا اس کا مالک بھی سامنے آیا ایسی دوران بلور خان اور اس کے ساتھی بکریوں کو ٹھکانہ لگا کر رفو چکر ہوگئے۔
اس غریب چرواہے کے ساتھ تاریخی فراڈ کرنے والے ابھی تک قانون کے گرفت سے دور ہے اور اس غریب چرواہے کا کوئی پوچھنے والا نہیں۔ ایسا لگتا ہے کہ گلگت بلتستان میں قانون صرف امیروں کی تحفظ کیلئے بنایا گیا ہے۔حکومت کو چاہئے کہ اس غریب چرواہے کی دادرسی کریں اور فراڈ کرنے والوں کی گرفتاری کو یقینی بنائیں۔