پچاس لاکھ گھروں کی تعمیر کا خواب حقیقت میں دل گیا،وزیر اعظم کا اس حوالے سے اہم فیصلہ ۔

اسلام آباد(ویب ڈیسک) عمران خان کی زیرصدارت اجلاس میں فیصلہ کیا گیا کہ وزیرِ اعظم بذاتِ خود پچا س لاکھ گھروں کی سالانہ تعمیر کے پروگرام کی اونر شپ لیں گے ، وزیرِ اعظم نے کمیٹی کو حتمی سفارشات آئندہ دو ہفتوں میں پیش کرنے کی ہدایت تاکہ پروگرام کا جلد از جلد اعلان کیا جا سکے۔حکومت کی جانب سے پچاس لاکھ گھروں کی تعمیر کے پانچ سالہ منصوبے کو عملی جامہ پہنانے کے سلسلے میں وزیرِ اعظم عمران خان کی زیر صدارت اعلی سطحی اجلاس ہوا جس میں سیکرٹری ہاوسنگ کی جانب سے وزیرِ اعظم کوہاؤسنگ کمیٹی کی جانب سے اب تک کی پیش رفت پر تفصیلی بریفننگ دی گئی ۔ سیکرٹری ہاوسنگ نے وزیر اعظم کو ملک میں گھروں کی موجودہ صورتحال اور سالانہ طلب سے آگاہ کیا۔
سیکریٹری ہاؤسنگ نے پچاس لاکھ گھروں کی تعمیر کے حوالے سے مطلوبہ زمین، تعمیرات کے لئے مطلوبہ وسائل کی فراہمی کے حوالے سے مختلف آپشنز اور پروگرام کو عملی جامہ پہنانے کے لئے پرائیویٹ سیکٹر اور غیر ملکی سرمایہ کاروں کو مطلوبہ سہولیات کی فراہمی کے لئے انتظامی سطح پراور متعلقہ قوانین میں ترامیم کے حوالے سے بھی تفصیلی بریفنگ دی ۔ وزیراعظم کاکہناتھاکہ پچاس لاکھ گھروں کی تعمیر پی ٹی آئی حکومت کے ایجنڈے کا اہم جزو ہے۔ حکومت بے گھر افراد کو گھروں کی فراہمی کے وعدے کی تکمیل کے لئے پرعزم ہے، پچاس لاکھ گھروں کی تعمیر سے نہ صرف ملک میں بے گھر افراد کی رہائش کا مسئلہ حل ہوگا بلکہ اس سے لاکھوں بے روز گار افراد کو نوکریاں میسر آئیں گی اور ہاوسنگ سیکٹر سے منسلک صنعتوں کو ترقی ملے گی۔وزیراعظم کاکہناتھاکہ ملک کے کونے کونے میں واقع سرکاری اراضیوں کے علاوہ محض پنجاب اور خیبر پختونخواہ کے گیسٹ ہاوسز اوردیگرسرکاری عمارتوں اور املاک کی اربوں روپے کی زمین کو برؤے کار لا کر ہاوسنگ پروگرام کے لیے خاطر خواہ مالی وسائل اکٹھے کیے جا سکتے ہیں