اہم خبریں

وزیر اعظم کو قتل کرنے کی منصوبہ بندی کرنے والوں کے آڈیو کالز پکڑنے جانے کا انکشاف۔

اسلام آباد( ویب ڈیسک )معروف اینکر پرسن جاسمین منظور نے کہا ہے کہ یہ بات بالکل سچ ہے کہ عمران خان کو سنگین تھریٹ کی وجہ سے ان کی سرگرمیوں کو محدود کیا گیا ہے ۔ ان کی جان کو شدید خطرات لاحق ہیں ۔ خفیہ ایجنسیوں نے وزیراعظم عمران خان کو ملنے والے تھریٹ سے آگاہ بھی کیا ہے ۔معروف صحافی کا کہنا تھا کہ اس حوالے سے کچھ آڈیو کالز بھی پکڑ ی گئی ہیں اور کہا جارہا ہے کہ ایک بڑی سیاسی شخصیت ہیںجن کا نام میں نہیں لے سکتی ہے لیکن خفیہ ایجنسیوں کو ان کا نام بتانا چاہیے کہ وہ کون لوگ ہیں جو وزیراعظم عمران خان کو مارنا چاہتے ہیں؟۔
جاسمین منظور نے مزید کہا ہے کہ وزیراعظم عمران خان کیساتھ ہونے والی ملاقات میں ان کا نام لینے سے منع کیا گیا تھا ۔ واضح رہے کہ اس سے قبل خفیہ ایجنسیوں نے وزیراعظم کو سنگیں تھریٹ سے آگاہ کیا تھا اس کے باوجود کپتان نے اضافی سیکورٹی لینے سے صاف انکار کر رکھا ہے ۔