اہم خبریں

آرمی پبلک سکول اینڈ کالج سکردو میں سپورٹس ویک کی رنگارنگ افتتاحی تقریب ۔

سکردو (پ،ر) آرمی پبلک سکول اینڈ کالج سکردو میں سپورٹس ویک کی رنگارنگ افتتاحی تقریب کے ساتھ ہے گذشتہ کئی دنوں سے طلبہ وطالبات مختلف قسم کے کھیلوں میں بڑھ چڑھ کر حصے لے رہے ہیں۔ سکول میں بوائز اور گرلز کے الگ الگ چارچار ہاؤسز میں کرکٹ، فٹ بال ، رسہ کشی ، بیڈمینٹین اور دیگر گیمز کے مقابلے ہورہے ہیں۔ افتتاحی تقریب سے خطاب کرتے ہوئے پرنسپل کالج ھذا پروفیسر احسان اللہ خان اور سی سی اے کوآرڈینیٹرسر غلام مہدی نے ذہنی اور جسمانی صحت کے حوالے سے کھیلوں کی اہمیت اور ضرورت پرزور دیا اور کہا کہ ایک صحت مند انسان ہی ایک صحت مند ذہن کا مالک ہوتا ہے لہذا سکولوں میں جہاں نصابی سرگرمیاں ضروری سمجھی جاتی ہیں وہاں ہم نصابی سرگرمیاں خاص کر کھیلوں کے مقابلے ضروری ہیں تاکہ طلبہ کو تفریح کے مواقع بھی میسر ہوسکے۔ سپورٹس ویک کے انعقاد پر طلبہ وطالبات نے کالج انتظامیہ خاص کر کمانڈر 62 بریگیڈ کا خصوسی شکریہ ادا کیا۔