اہم خبریں

امریکی وزیر خارجہ نے اگلے ماہ دورہ پاکستان کا عندیہ دے دیا۔

اسلام آباد(مانیٹرنگ ڈیسک) امریکی وزیر خارجہ مائیک پومپیو کا ستمبر کے پہلے ہفتے میں پاکستان آنے کا امکان ہے، اپنے دورے کے دوران مائیک پومپیو، وزیراعظم عمران خان اور ان کی کابینہ کے ارکان سے ملاقات کریں گے۔سفارتی ذرائع کا کہنا ہے کہ امریکی وزیر خارجہ کے ہمراہ اعلیٰ سطح کا ایک وفد بھی پاکستان آ رہا ہے، توقع ہے کہ دونوں ملکوں کے مابین پاک امریکا تعلقات میں بہتری اور افغانستان میں قیام امن پر بات چیت ہوگی۔ذرائع نے بتایا ہے کہ دورے کے دوران مائیک پومپیو کی چیف آف آرمی اسٹاف جنرل قمر جاوید باجوہ اور دیگر اعلیٰ فوجی اور سول حکام سے ملاقات بھی متوقع ہے۔
امریکی وزیرِ خارجہ مائیک پومپیو نے 14 اگست کے موقع پر اپنی حکومت کی جانب سے پاکستان کے عوام کو جشنِ آزادی کی مبارک باد دی تھی۔