اہم خبریں

گلگت بلتستان میں فورتھ شیڈول قانون کا غلط استعمال ہورہا ہے۔ سابق ڈی آئی جی حشمت اللہ خان

سکردو(پ ر) پاکستان تحریک انصاف کے بانی و سابق کنونیئر ریٹائرڈ ڈی آئی جی حشمت اللہ نے کہا کہ گلگت بلتستان میں شیڈول فور کا قانون کا غلط استعمال ہورہا ہے اپنے گاوں کی مسائل پر کوئی آواز اٹھایا جائے تو اس پر شیڈول فور کا قانون لاگو کیا جاتا ہے گلگت بلتستان کے حقوق پر آواز اٹھانے والوں کو شیڈول فور میں شامل کرنے کی شدید الفاظ میں مذمت کرتے ہیں اور اس طرح حفیظ سرکار کی غلط پالیسیوں کی وجہ سے محب وطن لوگوں کے دلوں میں ریاست کے خلاف نفرت جنم لے رہا ہے اور اپنی سرکار کی ناکامی کو چھپانے کیلئے شیڈول فور کا سہارا لیا جارہا یے انہوں نے کہا جو ریاست کے خلاف دوسروں کی اشاروں پر آواز اٹھانے والوں پر شیڈول فور سے بھی اگر سخت قانونی ہے تو وہ لاگو کرکے سخت سے سخت قانونی کارروائی کیا جائے مگر جو اپنے علاقے کے مسائل پر آواز بلند کرنے والوں پر شیڈول فور لاگو کرنا سراسر زیادتی ہے وفاق میں پاکستان تحریک انصاف کی حکومت انے کے بعد جن بے گناہ لوگوں پر شیڈول فور میں شامل کیا گیا ہے ان پر نظر ثانی کرتے ہوئے ان کو فوری طور پر نکلنے کیلئے اقدامات کرینگے پاکستان تحریک انصاف وفاق میں حکومت میں انے کی صورت میں انصاف سے کام لیا جائے گا