پاکستان کے بعد یواین اینٹی منی لانڈرنگ یونٹ نے بھی نوازشریف کیخلاف تحقیقات شروع کردیا۔

اسلام آباد(نویب ڈیسک )کرپشن کے الزامات پر نااہل ہونے والے سابق وزیراعظم میاں نوازشریف کیخلاف تحریری ثبوت ملنے کے بعد اقوام متحدہ کے منی لانڈرنگ کی روک تھام بارے ادارے نے تحقیقات کا آغاز کردیا ہے اور متعلقہ بنکوں سے نوازشریف اور اس کے خاندان کے مالی معاملات کی تمام تفصیلات طلب کرنے کا فیصلہ کیا ہے۔یونائیٹڈ نیشن اینٹی منی لانڈرنگ تھیفٹ اینڈ ریکوری یونٹ یو این او ڈی سی نے بھی تحقیقات کا آغاز کردیا ہے۔ابتدائی تحقیقات میں یہ ثابت ہوا ہے کہ نوازشریف نے 2014 سے لیکر 2017 کے عرصے کے مابین 1کروڑ40لاکھ ڈالر کی ترسیل سعودی عرب سے شروع ہوکر نیویارک میں حبیب بنک کی برانچ کے ذریعے واپس سٹینڈرڈ چارٹرڈ بنک جاتی امرا برانچ لاہور کے مابین ہوئی ہے اور اس ترسیلات کے ناقابل تردید ثبوت بھی متعلقہ حکام نے حاصل کرلئے ہیں۔امریکی حکومت نے بھی 26ارب روپے کی مشکوک ترسیلات پر حبیب بنک نیویارک برانچ پر اربوں روپے کا جرمانہ عائد کیا تھا اور متعلقہ حکام کے خلاف فوجداری قانون کے تحت مقدمہ چلانے کا عندیہ دے رکھا ہے۔نوازشریف نے سعودی عرب کے الراضی بنک میں ہل میٹل کمپنی کے نام پر اکاؤنٹ کھلوا رکھا ہے اور اس اکاؤنٹ کے ذریعے اربوں روپے کی مشکوک ترسیلات سامنے آئی ہیں۔