اہم خبریں

پاکستان اور ایران کے درمیان مسلح افواج میں تعاون مزید بڑھانے کی ضرورت ہے۔ آرمی چیف جنرل قمر جاوید باجوہ

راولپنڈی(ویب ڈیسک) آرمی چیف جنرل قمر جاوید باجوہ نے کہا ہے کہ پاک ایران مسلح افواج میں تعاون مزید بڑھانے کی ضرورت ہے تعاون سے خطے کے امن و سکیورٹی پر مثبت اثرات مرتب ہونگے جبکہ ایرانی چیف آف جنرل سٹاف میجر جنر ل ڈاکٹر محمد باقری نے پاکستان میں حالیہ دہشت گردی کی مذمت کرتے ہوئے کہا کہ آرمی چیف کے دورہ ایران کے بعد پاک ایران مسلح افواج کے تعلقات میں بہتری آئی ہے۔ پیر کو پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ سے ایرانی چیف آف جنرل سٹاف میجر جنرل ڈاکٹر محمد باقری نے وفد کے ہمراہ ملاقات کی۔ ملاقات میں باہمی دلچسپی کے امور‘ خطے کی سکیورٹی صورتحال‘ دفاعی تعاون اور پاک ایران بارڈر مینجمنٹ پر بات چیت کرتے ہوئے آرمی چیف جنرل قمر جاوید باجوہ نے کہا کہ پاک ایران مسلح افواج میں تعاون مزید بڑھانے کی ضرورت ہے۔ تعاون سے خطے کے امن و سکیورٹی پر مثبت اثرات مرتب ہونگے۔ ایرانی چیف آف جنرل سٹاف میجر جنر ڈاکٹر محمد باقری نے پاکستان میں حالیہ دہشت گردی کی مذمت کی۔ آرمی چیف کے دورہ ایران کے بعد پاک ایران مسلح افواج کے تعلقات میں بہتری آئی ہے۔