اختیارات ناجائز استعمال، ڈپٹی کمشنر کھرمنگ نے سرکاری گاڑی کو پچھلے چھے مہینوں سے گھریلو استعمال میں رکھا ہوا ہے۔

کھرمنگ (قاسم قاسمی)کھرمنگ سرکاری گاڑی پچھلے چھے مہینوں سے ڈپٹی کمشنر کھرمنگ عامر خان نگر میں اپنے گھریلو استعمال میں رکھا ہوا ہے۔زرائع کے مطابق اے سی آفس کے زیر استعمال گاڑی پوٹھوہار (گاڑی نمبر BLN 2126 )جو کہ کھرمنگ ضلع بننے سے قبل اسسٹینٹ کمشنر کھرمنگ کے زیر استعمال میں تھا۔یہ گاڑی پچھلے چھے مہینوں سے ڈپٹی کمشنر کھرمنگ عامر خان کے گھریلو استعمال کے لئے نگر میں ہے۔ جبکہ سرکاری رول ریگولیشن کے مطابق کوئی بھی سرکاری گاڑی اپنے مقررہ اسٹیشن سے باہر کہیں بھی لے کے نہیں جا سکتا۔ مگر نوزائیدہ ضلع کے دفتری کام کے لئیے استعمال ہونے والی گاڑی ڈی سی کھرمنگ عامر خان اپنے اختیارات کا ناجائز فائدہ لیتے ہوئے نگر کے جنگلات میں رکھا ہوا ہے۔ شاید انکو کام نہ کرنے پر سرکار نے انعام کے طور پر دیا ہو گا۔ یاد رہے موصوف خود ہر دوسرے دن میڈیکل کا بہانہ بنا کر کبھی گلگت تو کبھی اسلام آباد کے چکر کاٹتے نظر آتے ہیں۔ یہ بات بھی واضح رہیں انکے پاس دفتری استعمال کیلئے بھی ایک گاڑی پہلے سے ہی موجود ہے۔ڈپٹی کمشنر کھرمنگ اسوقت کھرمنگ میں اپنے راجگیری قائم کر رکھا ہے انکو عوامی مسائل سے کوئی دلچسپی نہیں ہے۔ پورے مہینے میں چند دنوں کے لئیے تشریف لاتے ہیں پھر پورے مہینے کے لئے غائب ہوتے ہیں۔کھرمنگ میں ڈی ایم جی آفسر کو بطور ڈپٹی کمشنر تعین کیا جائے تاکہ نوزائیدہ ضلع کے مسائل احسن طریقے سے حل کیا جا سکیں۔