0
0
شگر(پ،ر) دارالابلاغ والارشادپاکستان ماہ رمضان اور سال بھر کی دینی اور فلاحی خدمات کے ساتھ ساتھ ماہ رمضان بہار قرآن کے عنوان سے 12 سے 25 سال کے چھوٹے اور بڑے قارئین قرآن کیلئے ہرسال “مقابلہ حسن قرائت” کا انعقاد کرتاھے، سیسکو شگر میں منعقدہ اس سال کا قرآنی مقابلہ داسو شگر کے قاری نے جیت لیا جبکہ جونئیر گروپ کا مقابلہ سیسکو شگر کے ننھے قاری نے اپنے نام کرلیا،
آل شگر مقابلہ حسن قرائت میں داسو، برالدو علاقہ باشہ سمیت مختلف مقامات سے قارئین قرآن نے بڑی تعداد میں شرکت کی اور سب نے ممتاز عالم دین شیخ جواد نوری صاحب اور ان کے ادارہ کی دیگر خدمات کی طرح اس منفرد اور خوبصورت پروگرام کو بےحد مفید قرار دیتے ہوئے سراہا نیز اس بہترین پروگرام کےانتطامات سمیت مہمانوں کے استقبال وغیرہ کے سلسلے میں سیسکو کےعلما اور جوانوں کے خلوص و محنت اور ادارہ کی جانب سے کامیاب قارئین کی اچھے اچھے انعامات کےذریعے حوصلہ افزائی پر شکریہ ادا کیا۔ مقابلہ حسن قرائت اور جشن ولادت امام حسن مجتبی علیہ السلام کی اس نورانی تقریب میں علما، طلبا، بزرگوں، جوانوں اور مومنین ومومنات کی بڑی تعداد نے شرکت کی۔ علماء نے اپنے خطاب اور پیغام میں کہا کہ قرآن و اہلبیت سے رشتہ مضبوط کئے بغیر کامیابی ممکن نہیں ھے ، محراب و منبر سےنفرت کےبجائے قرآن و اھلبیت کا صحیح پیغام اور محبت کا پیغام اجاگر کیا جائے۔ پروگرام میں لکی ڈرا کوپن کی قرعہ اندازی اور قصیدہ خوانوں ، مہمانوں کیلئے بھی انعامات دئیےگئے، اختتام پر تمام شرکاء کیلئے نیاز، افطاری اور دسترخوان امام حسن ع کا انتظام کیاگیا۔
More Stories
1971 کی جنگ نے خطہ لداخ کی محبت سے کی ہوئی شادی شدہ جوڑے کو کس طرح جدا کردیا درد ناک کہانی
خطہ بلتستان لداخ بارڈر پر پاک بھارت کے فوجی ایک دوسرے سے سگریٹ ڈرائی فروٹ کا تبادلہ کرتے ہیں مگر بچھڑے ہوئے خاُندانوں کو ملنے کیلئے لداخ سکردو روڈ آخر کیوں نہیں کھول رہا؟
عوامی ایکشن کمیٹی دو گروپوں میں تقسیم کے بعد ایک گروپ نے غذر روڑ بند کرنے کا اعلان کردیا اور غذر کے عوام کا بڑا بیان سامنے اگیا