اہم خبریں

کپتان کاپنجاب کے بعدسندھ سے بھی وکٹ گرانے کا سلسلہ شروع۔کراچی سے اہم وکٹ گرا دی۔

اسلام آباد(مانیٹرنگ ڈیسک)پاکستان تحریک انصاف کے چیئرمین عمران خان سے ایم کیو ایم پاکستان کے سابق رہنما رشید گوڈیل نے بنی گالہ میں ملاقات کی اور پی ٹی آئی میں باضابطہ شمولیت کا اعلان کیا۔تفصیلات کے مطابق تحریک انصاف نے پنجاب کے بعدسندھ سے بھی وکٹ گرانے کا سلسلہ شروع کردیا، ایم کیو ایم پاکستان کے سابق رہنما رشید گوڈیل نے بنی گالہ میں چیئرمین تحریک انصاف سے ملاقات کی اور باقاعدہ طور پر پی ٹی آئی میں شمولیت اختیار کر لی اس موقع پر عمران خان کی جانب سے انہیں پارٹی مفلر بھی پہنایا گیا ،رشید گوڈیل نے عمران خان اور پارٹی قیادت پر اعتماد کا اظہارکیا۔اس موقع پر عمران خان کا کہنا تھا کہ رشید گوڈیل کی شمولیت کی بہت خوشی ہے ،ان کے آنے سے کراچی میں تبدیلی لانے کی کوشش کریں گے۔