اہم خبریں

گلگت بلتستان پر مسلط کئے گئے آرڈر2018ایف سی آر کی دوسری شکل ہے جسے کسی صورت قبول نہیں کیا جائے گا۔ ایکشن کمیٹی شگر

شگر(پ ر) ایکشن کمیٹی شگر کے صدر شیخ زکاوت علی نصرالدین اور بازار کمیٹی شگر کے صدر وزیر محمد نسیم نے کہا ہے کہ آرڈر2018کو ہم نہیں مانتے۔شگر سے اگر کسی نے اس آرڈر کی حمایت کی ہے تو صرف فرد واحد کی ہوسکتی ہے عوام کا ان کو بالکل تائید حاصل نہیں۔ہم اس آرڈر کیخلاف ڈٹ جائیں گے۔ اس آرڈر کے خلاف عوامی ایکشن کمیٹی گلگت بلتستان اور انجمن تاجران کال دیں تو ان کے شانہ بشانہ چلیں گے ۔میڈیا سے گفتگو کرتے ہوئے انہوں نے کہا کہ وزیر اعظم پاکستان کی جانب سے گلگت بلتستان پر مسلط کئے گئے آرڈر2018ایف سی آر کی دوسری شکل ہے جسے ہم کسی صورت قبول نہیں کرینگے۔یہ ایک کالا قانون ہے جسے موجودہ حکومت نے نافذ کرکے ہماری پاکستان کیساتھ وفاداری پر شک کرتے ہوئے ہمارے حقوق پر شپ خون مارا ہے۔ آئینی صوبہ ہمارا حق ہے۔ اور اس حق کیلئے گلگت بلتستان کا بچہ بچہ کٹ مرنے کو تیار ہے۔انہوں نے کہا ہے ضلع شگر کے منتخب نمائندے نے اگر اس کی حمایت کی ہے تو یہ ان کی ذاتی اور فرد واحد کا فیصلہ ہے۔ شگر کی عوام کا ان کو بالکل بھی حمایت حاصل نہیں ہے۔ اس کالے قانون کے خلاف عوامی ایکشن کمیٹی کے ساتھ ہے ۔اگر ضرورت پڑی کو شگر کی عوام اس قانون کے خلاف ڈٹ کر مقابلہ کرینگے اور پورے ضلع سمیت گلگت بلتستان کا جام کرینگے۔