0
0
گلگت(چیف رپورٹر)نیا پیکج جی بی میں مسلم لیگ (ن) کی سیاست کیلئے تابوت کا آخری کیل ثابت ہو گا۔پانچ سال آئینی حقوق دینے کا رٹ لگانے والی جماعت نے اقتدار کے آخری ہفتے میں جی بی کے 20 بیس لاکھ عوام کو لالی پاپ دیکر اپنی ہی جماعت کو اپنے انجام کو پہنچانے کی اچھی حکمت عملی طے کر دی ہے۔ مسلم لیگ ن نے کال ایف سی ار کا دوبارہ نافذ کرنا وزیر اعلی کی پست زہنیت کی عکاسی کررہا ہے اسمبلی میں موجود نام نہاد عوامی نمائندو ں کی خاموشی معنی خیز ہے ۔عوام اس پیکیج کو مکمل طور پر مسترد کرتے ہیں اور اب جی بی کے عوام اپنے حقوق کے لئے سڑکوں پر ہونگے۔ واقعی میں مسلم لیگ کو کسی سے خطرہ نہیں ہے بلکہ اپنے آپ سے خطرہ ہے یہ بات پی پی پی گلگت بلتستان کے رہنماء محمد علی شاہ نے اپنے ایک بیان میں کہا انھوں نے کہا کہ اس جماعت کو گلگت بلتستان کے عوام نے دو تہائی اکثریت دیکر فیصلہ سازی،قانون سازی اور حکمرانی کا اختیار دے دیا تھا اس امید کے ساتھ کہ حکومت عوام کو بنیادی آئینی،قانونی اور مالی اختیارات دیگی مگر حکمرانوں نے حسب روایت ہٹ دھرمی کا مظاہرہ کرتے ہوئے عوام کے تواقعات کو ٹھیس پہنچایا۔اب عوام گلگت بلتستان غیور قوم کے جذبات سے کھیلنے والے ڈرامی حکمرانوں کو انکے کئے کی سزا دے کے رہنگے پھر یہ نہ کہنا کہ مجھے کیوں نکالا۔اب ھکمرانوں کے تمام ہیلے بہانے ختم پانچ سال اقتدار کے مزے لوٹنے کے بعد گلگت بلتستان کی قوم کو کوئی مائی کا لال مزید بیوقوف نہیں بنا سکتا۔اب عوام کے ہاتھ حکمرانوں کے گریبانوں تک پہنچنے کا وقت آپہنچا ہے۔ غیر منتخب وزیر قانون اور مشیر اطلاعات اور ایک بیوکریٹ کے زبان سے نشرکردہ فیکٹری کے مزدوروں کو دی جانے والی پیکج کو جی بی کے غیور عوام جوتی کے نوک پے رکھتے ہیں۔انھوں نے کہا کہ وزیر اعلی نے جس سازش کے تحت وزیر اعلی بنے تھے اج اسی سازش کو کامیاب بنانے کے لئے اپنا زہر دکھا دیا ہے مگر گلگت بلتستان کے نوجوان اتنے باشعور ہو چکے ہیں اب وہ کسی صورت خاموش نہیں رہ سکتے اور ہر حال میں اپنے حقوق لے کر دم لینگے ریفارمز 2018میں بنیادی انسانی سیاسی و لوکل اختیارات بھی گلگت بلتستان کے سلب کرکے وزیر اعظم کو دیئے گئے ہیں جو عالمی و انسانی حقوق کی مکمل طور پر خلاف ورزی ہے۔
More Stories
1971 کی جنگ نے خطہ لداخ کی محبت سے کی ہوئی شادی شدہ جوڑے کو کس طرح جدا کردیا درد ناک کہانی
خطہ بلتستان لداخ بارڈر پر پاک بھارت کے فوجی ایک دوسرے سے سگریٹ ڈرائی فروٹ کا تبادلہ کرتے ہیں مگر بچھڑے ہوئے خاُندانوں کو ملنے کیلئے لداخ سکردو روڈ آخر کیوں نہیں کھول رہا؟
عوامی ایکشن کمیٹی دو گروپوں میں تقسیم کے بعد ایک گروپ نے غذر روڑ بند کرنے کا اعلان کردیا اور غذر کے عوام کا بڑا بیان سامنے اگیا