دیامر میں غیر قانونی طور پر جنگلات کی کٹائی عروج پر، کرپشن کا بازار گرم ، ٹمبر مافیا کا راج۔

چلاس( پ ،ر) محکمہ جنگلات چلاس کی ملی بھگت سے جنگلات کی بے دریغ کٹائی ہورہی ہے جوتی جنگلات میں غیر قانونی کٹائی کے بعد اب تھور میں غیرقانونی طور پر لکڑی سپلائی کی جارہی ہے۔ ٹمبرمافیا اور محکمہ جنگلات کی ملی بھگت سے روزانہ ہزاروں فٹ عمارتی لکڑی جوگاہ سے کھٹو سپلائی کرتے ہیں۔

دوسری طرف فارسٹ مجسٹریٹ دیامر کا کہنا ہے کہ ہر جگہ چیک پوسٹ موجود ہیں اور عوام اس سلسلے کو روکنے کیلئے عملے کے ساتھ تعاون کریں اور اُنہوں نے کہا ہے کہ چھاپہ مار ٹیم تیار کی ہے جو روزانہ کی بنیاد پر ضلعی مجسٹریٹ کو رپورٹ دے گی۔ عوام کا کہنا یہ ہے کہ جب تک مقامی سیاست دانوں کے خلاف کوئی ایکشن نہیں لیتے یہ سلسہ ختم ہونے والا نہیں ہے کیونکہ اس وقت جو کچھ کیا جارہا ہے اس میں مقامی ٹمبر مافیا کو سیاسی پشت پناہی حاصل ہے۔