نانگا پربت میں پھنسے دو غیر ملکی میں سے ایک بحفاظت بچا لیا گیا

اسلام آباد(زاہد حلیم) قاتل پہاڑ نانگا پربت پر پھنسے ہوئے دو غیر ملکی کوہ پیماؤں میں سے ایک بحفاظت بچا لیا گیا جب کہ دوسرے کا کچھ پتہ نہیں چل سکا ۔ پاک آرمی کی ریسکیو ٹیم گزشتہ تین دنوں سے ان کو بچانے کی سرتوڑ کوشش کر رہے تھے۔

تفصیلات کے مطابق فرانس سے تعلق رکھنے والی خاتون کوہ پیماء الزبتھ ریول اور پولینڈ کے ٹومک نانگا پربت سر کرنے کے مہم پر تھے اور سات ہزار میٹر کی اونچائی پہ پہنچے تھے تاہم خاتون کوہ پیماء کے ہاتھوں اور پاؤں کی انگلیاں فراسٹ بائیٹ کا شکار ہوئی جبکہ مرد کوہ پیماء کی بینائی شدید متاثر ہوئی تھی اور انہوں نے سٹیلائٹ فون کے ذریعے بیس کیمپ میں اطلاع دی تھی۔

جس کے بعد پاک آرمی کے ایوی ایشن ٹیم نے ان کو ریسکیو کیا گیا ۔فرانسیسی خاتون کوہ پیما ء الزبتھ ریول نے پولش کوہ پیماء ٹومک کو کیمپ 4 تک پہنچا دیا جبکہ خود کیمپ3 تک پہنچنے میں کامیاب ہو گئی آرمی کے ریسکیو ٹیم نے بحفاظت سکردو پہنچا دیا بعد ازاں اسلام آبادمنتقل کردیا گیا جہاں ان کا مکمل طبعی معائینہ کیا گیا۔

آرمی ایوی ایشن ٹیم کے مطابق چوٹی پر پھنسے پولش کوہ پیماء کا کچھ پتہ نہیں چل سکا اورشدید سردی جبکہ دشوار موسم کے باعث کوہ پیماء کی مزید تلاشی ختم کر دی گئی ہے ۔ خیال رہے نا نگا پربت کو قاتل پہاڑ کا نام اسی لئے دیا گیاہے کیونکہ یہ پہاڑ سر کرنا بہت ہی مشکل ہے اور اب تک درجن کوہ پیما ء اس پہاڑ کو سر کرنیکی کوشش کے دوران اپنی جان کی بازی ہار چکے ہیں۔